張衞健為照顧年老母親長期留港零演出 與老婆張茜分隔異地一年反因一招令感情升溫

2021.01.23

張衞健是圈中出晒名的孝順仔,經常看到他在社交平台上分享與年老母親的生活點滴。因疫情關係,張衞健更寧願減產,留在香港一年照顧母親,2020年簡直是零演出,Dicky都完全沒有怨言,真係好孝順。

早前張衞健用Zoom接受新城知訊台由林子博同范振峰擔任主持的《Bilibala開大喇叭》節目訪問,分享過去一年在疫情下的生活,提及多年來都保持正面的方法。Dicky本來是個工作狂,但在2020年卻是零演出。如果他願意兩邊走,其實他能有不少工作機會,但Dicky選擇留港,並解釋:「家母年事高,不過身體好健康嘅。之前嗰度住咗十幾廿年,早排搬去新地方,老人家80幾歲,落街買嘢都唔敢,所以我留喺香港照顧媽媽。」

雖然張衞健在疫情下有得有失,但他透過今次機會陪屋企人、做運動,更有時間找回多年沒聯絡的舊朋友互想慰問,感覺很溫暖。

張衞健選擇留港,意味著與太太張茜分隔兩地已有一年,太太也因為照顧年邁嘅母親都長居內地。有一年冇見過大家,但Dicky覺得這樣很好,因為小別勝新婚、間段式見面是他們的感情保鮮方法:「結婚咁多年都唔係日黐夜黐,唔係糖黐豆型,大家經常都分開一段時間,又一齊一段時間,係奇怪啲,但對我哋嚟講又幾work,切合我哋性格,可能日對夜對會『互嘔』,小別勝新婚囉!」

圖:微博@張茜、張衞健

 

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

評語

獨家優惠

輕掃查看其他優惠