32歲的朱千雪與青梅竹馬醫生老公吳昆倫（Justin）結婚一年半，至今幸福美滿，令人羨慕。至於事業方面，她正式掛牌成為執業大律師，主攻民事及刑事訴訟。雖然如此，但Tracy自言仍然很想做幕前，不過入行8年來都竟然冇人追。
朱千雪嫁給青梅竹馬的醫生Justin，不過她就自爆入行8年來都冇人追過。而好友湯洛雯踢爆說：「我知點解，如果有人主動問佢攞電話，佢會答人：『你Send e-mail畀我啦！』咁。」
朱千雪聽罷就解釋：「因為我覺得自己唔係好鍾意識好多人，呢個朋友圈舒服就圍繞住，咁我同而家老公細細個就認識，感覺好安全，同埋唔需要用好多時間去認識大家，咁多年遠距離戀愛我都好信佢，佢亦好信我。」就算有人與她合照，想問她拿電話號碼，她也會回應：「唔使喇，張相你Keep啦！」盡量保持距離感，Tracy也自認是「最衰嘅一次」，
除此之外，朱千雪連拍劇男拍檔的電話都冇，她說：「唔需要嘛，要聯絡會搵PA（助理編導）呀嘛！唔係冷漠，只係心態上覺得無需要，就算未正式拍拖前，我個人本身性格就係咁，所以同我老公傾偈好舒服，唔使好深入了解，又唔驚佢呃我。」
婚後朱千雪都好守規矩，如果遇到拍劇有性感或者接吻場口，都會堅定地拒絕，拍拖前拍劇有錫過，但拍拖後就盡量拒絕，其他好姊妹都大讚朱千雪十分理智。
圖：IG@朱千雪
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
