齊來挑戰 21日綠色生活習慣 Part 2

2021.02.12

新年啦!相信大家都已經忙住辦年貨、大掃除等,希望能夠全方面以最好姿態迎接新年的來臨。不過,再忙都不能忘記環保,今期的綠色生活習慣就以「新年」為主題,齊齊以各種環保貼士準備一個「綠色新年」啦!

1. 購買本地賀年禮盒

買禮盒都可以環保?是的,方法是購買本地年貨,因為可以減省長途運輸成本,減少燃料耗用量,碳排放自然也減少。同時,由外國入口的產品需要很多加工程序,例如多重包裝製造大量垃圾,又或者採用添加劑方便貯存,都是會污染環境、損害地球的行動。記得今年辦年貨要選購本地年貨,讓地球也能可以過一個綠色新年。

2. 停一停,拒絕盲目消費

網購的便利,令人購物更爽手,甚至係買了一些平常不會用到的東西?其實過度消費問題一直存在,尤其買新衫新袋呢類時尚服飾,不少人為追上潮流,只着一季,造成浪費。而產品於製造時亦會耗用地球資源,運送產品時同樣耗用能源同造成環境污染,甚至變成固體垃圾迫爆堆填區,令地球負擔加重。要實行綠色生活,就應該於消費前停一停、諗一諗,將「必需品」同「非必需品」分開,問清楚自己是否真的要買,停止盲目消費。

3. 環保大掃除!

「年廿八,洗邋遢」,相信好多人都已經密鑼緊鼓密密執屋同做清潔,而我哋就有兩個小方法令大家大掃除都可以環保。第一,丟棄物品時先三思,可唔可以upcycle再用?可唔可以放在網上平台轉贈有需要嘅人?如果都沒有,就做好分類再回收啦!第二是選用「天然清潔劑」,如:梳打粉去油潰、茶葉幫雪櫃辟味、茄汁去鐵鏽等,隨手可得的物品即時化身天然清潔用品。

4. 送禮唔係送包裝呀!

新年當然要準備好賀禮,向親朋好友表達心意,但購買賀年禮盒時,其實又需不需要額外用花紙包住大家的心意呢?這個精美的包裝紙,很多時候轉眼就會被撕爛並放入垃圾箱,而大多數的花紙、裝飾都含有塑膠等不可回收嘅成分,既然是透過禮物傳遞心意,今年不如「赤裸啲」表達真誠的心意啦!

5. 賀禮唔啱用?

轉贈唔嘥幫到人!

講完準備賀禮,相信都有不少人會收賀禮,而當中總有一些是不合口味或不合心意,吃不完又會佔領家中的空間,最後甚至會過期,造成浪費。其實坊間有唔少物資、賀禮收集嘅環保團體同社企,不妨將自己無需要用,但依然有價值的禮物轉贈畀有需要嘅人,可以幫到人又唔浪費資源,仲做埋善事,一次過就有3個好處,牛年一定行運呀!

6. 搵一搵,重用返啲利是封先

終於過年啦,又點少得重頭戲—利是,據環團統計,香港人每年用咗3.2億個利是封,相等於砍伐16,300棵樹!其實坊間有啲機構都會有去年回收的「環保利是封」供大家領取,而且大家重視的是「心意」,不會計較利是封外表。如果你今年也是繼續收利是的一分子,記得保存好完整的利是封,然後拿去相關機構回收,幫得幾多就幾多呀!

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

評語

獨家優惠

  • 購買 ±0正負零涮涮深鍋 即減HK$100

    ±0 正負零

  • 二人同行享95折優惠

    The Handcrafter 金工銅/純銀製作體驗班

  • 二人同行享95折優惠

    The Handcrafter 純銀黏土製作體驗班

  • 更多優惠

輕掃查看其他優惠