林作用阿媽做擋箭牌想縮沙突然又出200萬挑機 鍾培生嫌廢話多即曬百萬現金:贏輸都畀你

2021.02.19

有「百億富三代」及「香港電競之父」之稱的KOL鍾培生,早前向林作宣戰開打,更豪言對方打得嬴就畀100萬,網民立即食花生,兩邊各自有人撐。面對百億富三代,林作最初都話未驚過,但到昨晚深夜就開始轉勢,搞到鍾培生開始不耐煩,即刻提取現金心急想開戰。

見到鍾培生出一百萬引戰,最初林作都不禁示弱,即曬幾張打拳相並揚言「都未驚過!」正當大家以為有戲睇時,林作突然發起眾籌70萬,又話只要有一萬人肯出錢,就會同鍾培生打。後來又突然用阿媽做擋箭牌,話唔得閒應約同對方開打。不過夜媽媽又表示願意調轉頭「送錢」給鍾培生:「嗱,鍾培生先生,我諗過㗎喇,以下係我嘅答覆,我畀二百萬港紙你,你俾我打一鑊。」

鍾培生睇到就唔耐煩,直斥對方乞「香港人嘅錢」,又話用阿媽做藉口,「點解做保險都可以咁冇誠信」,叫林作唔好咁多廢話。而鍾培生今日講到做到,就外出到銀行提取100萬現金,再出post去挑機。睇嚟鍾培生真係好想開打,後來他再在IG出Post:「林作呢度100 萬你簽左就係你嘅,我本身唔識你,你零誠信令我睇唔起你,唔該你唔好再抽我水,我唔想同你拉上任何關係,擂台面前人人平等,你要借我上位擂台見!我相信打得成,會係近年來香港人最開心嘅事!」無論林作輸嬴都有一百萬收,唔知佢會點回應呢?網民表示好期待呢場「世紀之戰」。

圖:IG@鍾培生、林作

 

下一頁

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

輕掃查看其他優惠