林作早前在關於富三代鍾培生的Facebook帖文留言後，隨即引起牽然大波，令對方開口宣戰，豪氣地表示無論輸贏都會給予林作一百萬，「鍾林大戰」蘊釀多時，兩人終於首次碰頭開記招，宣布9月會開戰！
鍾培生於淺水灣的屋企大搞記者會，他與林作首次碰頭，宣布9月將會在擂台決一高下。鍾培生十分認真，更會為決戰去認真操練，揚言比賽當天超出理想體重的話，每0.5kg就會賠一萬予林作。
兩人初次見面就好大火藥味，鍾培生明言要在擂台上羞辱林作，仲話：「我本來想搵殯儀館sponsor佢（林作），但諗諗下好似輪椅啱佢多啲。」林作對於鍾培生的羞辱，反而從容不迫，自言：「我嘅成就就係唔需要任何成就，都可以坐係呢度！」鍾培生又指全香港只有2個人值得用七位數甚至八位數去打，其中一個今日就坐在他旁邊。林作即刻問另一個是誰，不過鍾培生不作回應，林作笑笑口指對方迴避問題。
鍾培生聽到之後又再還拖，就問林作：「你邊度嚟嘅自信？你收皮啦！You are piece of shxt！」林作就多謝鍾培生睇得起，所以先可以坐喺呢度，仲話自己係一個勵志故事。記者問林作是否代表人人都可以畀人打，林作抵死回應：「同人打交都係各自自由，我係會捍衛。當然出場費要計清楚，100萬就打硬，30萬就未必。」鍾培生依然串爆話林作的價值就係畀人打，不留情面。
而兩人合照仍然面左左，眼超超，似乎呢場大戰將會係腥風血雨。林作接受訪問時形容自己心情不緊張，更搞gag指鍾培生的名字是「終於賠上生命。」
合約內容：
- 賽事為拳擊形式進行
- 賽事以 4 回合，每回合 2 分鐘進行
- 鍾培生出賽限重，量秤於賽事前一天內舉行
- 鍾培生的量重在量秤時超越合約所規定重量 (可於一個半小時內減至合約所指重量，如無法守約，則對手可以直接獲判技術勝出。唯雙方可在協商後依照安排比賽，超重一方須賠償對手每 0.5kg 港幣 10,000 元。而林作則不設此限。
- 配帶拳套為 10 盎司
- 鍾培生同意無論賽事結果，均需於賽後向林作支付表演／出賽費用港幣一百萬元整（HKD $ 1,000,000）
- 合約各方免除合約各方因拳擊賽事引致拳手之死亡及/或受傷的任何責任，包括但不限於所有日後之法律追討賠償等，拳手亦承諾不能向主辦方及／或有關人士單位追討。
- 但如林作違反合約包括但不限於無法出席賽事，則鍾培生無需支付上述款項，林作需賠償期間所有宣傳支出。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
