林鍾大戰將於9月18日於九展舉行，鍾培生早前透露大戰門票最貴索價3萬，不少人聽到都嚇親。身在台灣的杜汶澤見到相關新聞，都忍不住出Post嘲諷：「有多餘錢，你會去睇有誠意嘅《一秒拳王》，定還是小丑打交？」
杜汶澤發文鬧爆鍾培生及林作之後，鍾培生當然不放過機會，馬上留言狙撃對方，打千字文表示對方出錢搞App長遠只會蝕大錢，又睇小對方「用唔用得成都係問題」，引用一大段數據，最後得出的結論就是「戇XX輸X死佢呀」
他這番「分析」同時也辣著杜汶澤的老婆田蕊妮，也好氣地寫了很多字回應，她說：「至於你話杜先生戇X輸X死佢，可能佢係戇X啦，但係佢呢一種勇氣同行動唔係人人都有，而我最近聽到自從我哋搞咗呢個app之後有其他人都想搞喎！最後本人亦預祝你同林先生嘅拳賽大賣唔會輸啦！」杜汶澤也留言附和：「吖！你都幾好心機咖喎，寫咁多字」同時，林作也留言抽水：「我係你fans」
點擊圖片放大
杜汶澤就愈來愈嬲，自言「無咁嘅閑情逸致」去參加鍾培生舉辦的拳賽，又爆粗大罵：「你點先證明到叻過我呀？你要死X咗佢，跟住再投胎，一出世好似我咁X窮，然後白手興家，咁先證明到嘅！明唔明呀！呢個世界唔係個個有資格做明星嘅，但係人人都有機會紅！你咁鍾意博出位，話俾你聽你而家紅梗啦，因為依家我降級X你！你就一定紅！」
鍾培生睇到態度更寸，直言對方目的是「搲撈」，「等我無乜新聞量又要宣傳既時候再比你抽下水，你有d 知名度放心我會陪你玩下」同時鍾培生又揶揄杜汶澤之前遲出糧事件，提醒他「要威要做老闆首先學識準時出糧先」。
圖：IG@鍾培生、FB@鍾培生、杜汶澤、田蕊妮
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
