女神陳瀅最近受力捧，曝光率激增，在TVB兩線劇集同樣有份主演，而且戲份吃重，八點半檔《愛美麗狂想曲》及九點半檔《伙記辦大事》都見到陳瀅的演出，兩個角色都是爽朗、麻甩的男仔頭性格，不少觀眾就大呼幾乎混淆劇情，晚晚睇到亂晒。
陳瀅先在八點半檔《愛美麗狂想曲》裡擔任女二，飾演「李小勇」一角，角色性格麻甩，最近劇情講到與蕭正楠結婚後，一直為繼後香燈而努力造人，更上演了一幕陳瀅穿著性感睡衣，展示姣好身材誘惑蕭正楠，可惜兩人未能「中獎」，劇情更會講到原來是因為陳瀅輸卵管太窄而導致不孕，令兩人埋怨命運。
睇完八點半，陳瀅再在九點半檔《伙記辦大事》裡同樣擔任女二，劇份暫時甚至比女一萬綺雯更多，更有網民戲言此劇是「常笑辦大事」。陳瀅飾演「常笑」一角，角色性格爽朗，與馬德鐘和敖嘉年較多對手戲，最近劇情就講到陳瀅與馬德鐘似乎開始愈行愈埋，更講到其生母楊卓娜的事，引起歐陽震華有所關注。
對於一晚兩部劇都見到陳瀅，不少網民就表示好易混淆，睇到亂晒，以為仲係同一套劇。不過，亦有觀眾力撐陳瀅角色有大分別，為陳瀅平反，指《愛美麗在想曲》的「李小勇」是長髮造型；而《伙記辦大事》是及肩短髮、裝扮較為型格，靠髮型就可以分辨兩個不同的陳瀅。
圖及來源：劇集截圖、IG＠陳瀅
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
