女朋友整麵包整上癮 周末整足5、6底 男友一星期食足12餐麵包:同事問我未出糧冇錢食飯

2021.05.06

常言道:「要留住男人的心,就先要留住對方的胃」近日有位男士大呻女友近日愛上焗麵包,男友大讚整得好食之後,女友隨即整上癮,幾乎日日都整,整到男友唔駛帶飯,被同事取笑係咪冇錢開飯。

網民在香港討論區上以「女朋友愛上整麵包……我早午晚3餐都係麵包餐……」為題發文,講到女友在疫情期間學整麵包:「學人整天然酵母麵包。其實佢整得幾好食,真心,真係幾好食,起碼唔似出面嘅空氣麵包咁。見佢由溝粉到搓粉整得咁辛苦,而又幾好食,咪讚下佢有天份囉。」

點知女友聽完之後開始走火入魔,「買咗個靚焗爐,星期六日可以出到五六底,問題係佢自己完全唔食!!!!佢話就係焗比我食,所以拎晒比我……我就拎住五六條麵包企咗係度……」

為了防止麵包變壞,他於是「由呢個星期一開始,早午晚三要清一條麵包,所以呢期餐餐都麵包+清水做一餐」同事見到,就以為他經濟有問題,就問係咪未出糧冇錢食飯,需唔需要借錢。事主坦言日日食麵包確實省了成千蚊,不過就覺得有點難頂。

網民就叫事主要小心日日食麵包加清水會對腸胃不佳,而且事主如果不想太「寡」,可以自行買材料,如芝士加火腿,又或者將多餘的麵包送給其他人。

圖及來源:unsplash、香港討論區

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章