MIRROR出道時不獲睇好被咒上不歸路 姜濤曾被嘲發明星夢 重溫網民mean爆負評如今成回力鏢
人氣男團MIRROR一連六場的九展演唱會於日前圓滿落幕，觀眾評價異常熱烈，不少網民都直言香港樂壇「浩浩蕩蕩迎來另一新世紀」。演唱會上MIRROR成員Alton在講嘢環節更回帶網民昔日的留言，力證12位成員兩年半後靠努力成功反諷負評。不過當初的負評又點止咁少，今次就同大家一齊回帶當年MIRROR出道時網民的Mean爆留言喇～
當年《全民造星》第一季的比賽完結後，ViuTV經過一輪籌備後，正式宣布推出一隊共有12位成員的大型男團MIRROR。當時花姐並非以最後10強的成績選人，而是憑着慧眼選出心水入團人選。當12人陣容正式公開和出道後，MIRROR受到的負面抨擊並不少，有網民就直言「3年後仲喺度先同我講」，這更成為了這次演唱會上的「鞭屍」留言，絕對是超強回力鏢。
就整個團體而言，當時有不少網民並不睇好MIRROR的發展，「冇人想知」、「感覺上真係唔係好掂，好似夾硬組隊咁」、「十二個散硬啦，似做新聞炒熱下」、「未見過咁老嘅男團」、「香港捧團體咪即係等死，有邊隊真係紅到」、「估佢最多玩一年就disband（解散）」、等等的負評不絕於耳，更有網民表示「ViuTV捉到鹿唔識脫角」，以為見解相當有前瞻性。即按圖睇當時網民負評：
有網民更斷言「紅嘅只係得姜濤一個，其他人全部都係做陪襯」，更「語重心長」勸喻其餘十一位應唔應該繼續落去，還大放厥詞指「結局係送晒咁多人上一條不歸路」。現實總是出人意表，這些負評變成了回力鏢，狠狠打臉留言的人。MIRROR至今出道兩年多，推出過一隻大碟，舉行過兩次演唱會，有成員單飛出歌，參演過不少劇集及綜藝節目，成績有目共睹，知名度日益攀升，亦令香港時隔多年再捲起追捧本地偶像的風氣和熱潮。
網民亦有就個別成員展開討論，早前有粉絲就回帶姜濤當時參加《全民造星》時，網民一則最mean的留言：「讀多啲書唔好發明星夢」。接近三年過去，姜濤作為MIRROR人氣最高的成員，不論歌曲演唱水準獲讚，而且態度謙虛，極少花邊新聞，今年短短頭四個月多已經接下近40個廣告，成為廣告商寵兒，不論化妝護膚品、投資產品、個人護理用品、快餐店、時尚服裝，都見到姜濤的蹤影，可謂是娛樂圈中最火紅的明星。
除此之外，今年已經第三年單飛的人氣成員Ian，當年亦承受不少負評，有網民留言話「Ian又唔係唱得好好，單飛未必得」；看來網民這些留言都成為了燈神，逆向一語中的，如今Ian已經推出了六首個人派台單曲，成為現今樂壇人氣上升的男歌手之一。即按圖睇當時網民負評：
其他成員當時更被批評格格不入，例如唱功了得的Jer柳應廷、強項跳拉丁舞的Tiger。如今，Jer在去年新人出道就斬獲多個新人獎項，而其他未單飛的成員都分別有拍劇及主持的工作，譬如Lokman、Frankie、Tiger、Alton，都keep住有份為ViuTV節目《囝囝囡囡730》擔任主持工作，12子繼續全方位發展。即按圖睇當時網民負評：
即睇MIRROR出道兩年半後演唱會上的精華靚相～
港生活人氣本地熱話
【送禮🎁】送Esther Bunny春日好物🐰！
↓ 登記免費帶走可愛折疊傘 x 保溫杯 ↓
✨大派120盒艾草溫熱舒壓貼✨
↓ KO肩頸／腰背痛💆、改善手腳冰冷、舒緩疲勞！↓
