2022最矚目居屋王 北角驥華苑3大優勢

2022.01.18

房委會將會於2022年上半年,發售7個位於港九新界唔同區域,合共近9,000個新居屋單位,而當中最具話題性的,就是位於北角的驥華苑,未出閘已成為居屋王!究竟這個居屋屋苑有幾出色呢?

1.港島區居屋罕有

事隔十多年,港島區事隔十多年,終於再有新居屋落成,今次,仲要喺方便嘅北角!

根據房委會資料,對上一個港島區嘅居屋屋苑,已經係2005年落成嘅筲箕灣東濤苑,喺2015年5月,東濤苑一個中層單位喺第二市場以648萬嘅售價,創下居屋第二市場售價新高,成為名副其實嘅「居屋王」,今次驥華苑比東濤苑交通更方便,自然備受注目。

與豪宅為鄰,高層有海景

驥華苑位於電照街同渣華道交界,為單棟式大廈,樓高31層,將會提供248個單位,預計會喺2024年初完工。呢個單位對面,就係座擁海景嘅豪宅海璇,現時嘅呎價,大約都要$45,000或以上!而海璇樓高最高為18樓,換言之,如果新居屋能抽到較高樓層,仍然有機會望到維港海景!
高層單位,仲有機會睇到維港海景!

交通方便,生活配套設施佳

講到交通,徒步5分鐘內,就可到達北角港鐵站及北角碼頭,英皇道就有電車同大量巴士站,可謂全港四通八達。而附近嘅北角匯、健威坊及港運城商場,有大量食肆及超市選擇,行遠少少仲有渣華道市政大廈,日常起居相當方便。北角碼頭旁邊仲有北角海濱公園連狗公園,咁嘅配套,點會唔係「居屋王」?!

行5分鐘,就可以到北角港鐵站﹗


居屋斜對面就係北角匯商場,除咗買嘢同食嘢,仲有戲院,起居娛樂絕對方便。

北角驥華苑
地址:渣華道與電照街交界
單位數目:248個
面積:280至457呎
售價:248萬至531萬
平均呎價:9,950元


評分表
交通*****
生活配套*****
景觀****

缺點:除咗會貴少少,都應該……無!



text/Joyce
photo/HKET圖片庫

【蝸居睇樓團】黃大仙自置公屋 拆睡房變豪宅式飯廳連廚房|和風洗衣房、大型儲物室




用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章