梅艷芳哥哥梅啟明當眾反擊被斷絕母子關係 自稱嘔血狂咳欲以死證己清白反斥梅媽受人唆擺

2022.02.15

已故天后梅艷芳的98歲媽媽梅覃美金(梅媽)日前登報與兒子梅啟明斷絕母子關係,而今(15日)午梅啟明就在北角城市花園對開空地突發舉行「記招」,當眾反擊梅媽的指摘,表示自己擁有「梅艷芳」的商標,聲稱梅媽收受電影公司的利益,現在是怕惹上官司麻煩才受人唆擺斷絕關係。梅啟明更講明自己「得番半條命,琴晚嘔血咁濟」,欲以死向梅媽證明自己清白。

梅艷芳哥哥梅啟明今日在街上舉行了一場「記招」,甫開口先解釋梅媽斷絕母子關係一事,表明梅媽「眼又矇、耳又聾,被人擺佈」,懷疑「媽媽係咪收咗人錢我唔知⋯⋯媽媽90幾歲人,受人唆擺或者被人誤導」。接著講到早前提告電影公司,梅啟明就聲稱梅媽收受電影公司的利益,現在是怕惹上官司麻煩,才與其斷絕關係,更爆告上法庭前是已得到梅媽的同意:「係佢嗌我入紙呀喎⋯⋯佢驚法律同官司問題!」

梅啟明激動表明會堅持打官司,強調自己並非貪錢,只是含冤提告:「我04年嘅時候已經註冊咗商標同版權⋯⋯電影公司要向公眾交代,呢個係我原則」、「冇錢有冇錢嘅告法⋯⋯法律係咪公正呀先?」梅啟明其後再在地上展示多份法律文件,透露孭住多宗官司,其中有一宗是在追「租霸」幾十萬的賠償,導致周轉不靈,而要向梅媽借錢償債。語畢,梅啟明又自爆「我又得番半條命,琴晚嘔血咁濟,我好唔舒服」。

梅啟明向記者表示梅媽正在聖保祿醫院留院,並指梅媽是在逃避,直言:「老人家容易受人擺佈,擺佈佢嘅人多的是!」、「媽係有幫我,但我唔感恩,一啲都唔感恩!」,更突然講起已暫停的每月生活費:「佢一個月收25萬,我先得2萬,唔係嫌少唔少問題,而家都唔多講」、「要貪一早貪咗啦!個個月貪你嗰2萬蚊?2萬做得啲乜?」還強調自己一直「冇停過」工作。

這場「記招」裡,梅啟明持續咳嗽,更拿出紙巾清潔。當被問及是否生病時,梅啟明就再次激動表示:「唔想睇醫生,我想死啫而家!原因係證明畀阿媽睇,我做嘅係冇錯,要歪曲我就唔得!」梅氏母子風波仍然持續當中。

 

圖及來源:TVB直播截圖、有線電視截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】送您最新iPhone 14!↓

↓立即分享美食 贏走獎品!↓

↓立即分享美食 贏走獎品!↓

↓【聖誕送禮】送Soul Emotion Pro / Emotion Max耳機!↓

↓立即參加贏走!↓

↓立即參加贏走!↓

評語

相關文章