前HotCha成員Regen張惠雅宣佈中招確診 透露兩日前病發冇打針:「中Omicon係遲早嘅事」

2022.02.22

前HotCha成員Regen張惠雅今日(22日)宣佈中招確診Omicron,在IG社交平台上撰寫長文兼上載快速自我檢測呈陽性的相片,詳細分享自己的經驗和心路歷程,並且透露自屬是兩日前病發,在沒有接種疫苗的情況下,日常去了港九離島區,表示自己:「唔太擔心,都係傷風感冒咁樣。」

Regen張惠雅在IG上撰寫長文表示確診Omicron:「發病係20號凌晨⋯⋯19號晚訓覺訓訓下覺有有啲周身骨痛,估自己因為吹風淋雨咗好耐而吹病咗,因為隔離舖都有keep住做檢測都係陰性,我就無覺得係中咗Omicon」,表示自己「本人好宅,基本上平時我都係唔出街困喺房唔接觸人,所以源頭唔太清楚,屋企人都無感染無症狀不過屋企人,呢排都會一齊留喺屋企。」

出現病徵後,Regen煲咗個熱檸樂煲薑,有發燒發冷,表示「食咗日本嗰隻感冒藥,食完好快見效喉嚨唔太痛⋯⋯之後兩日都係燒下唔燒下」,到了今日22日就「喉嚨痛好咗啲,咳都係一兩聲,痰都係一兩篤」,還表示自己「雖然我認同共存,但係因為顧及其他人包括屋企人感受,全程我都好小心隻手揸住支酒精消毒液長期噴自己對手」,並透露自己「匿埋喺廁所幫自己檢測,一分鐘唔駛就已經出咗兩條線」,於是「咁我ready好心情拎住支消毒,係又噴唔係又噴」。

Regen又謂:「原本都覺得中Omicon係遲早嘅事⋯⋯而家返咗屋企,決定困自己喺房唔沖涼直到negative為止」,更列出自己兩日來去過的地方,包括長洲、中環、觀塘、東涌等,最後講到:「自己無打針,唔太擔心,都係傷風感冒咁樣,睇下之後幾日病情點樣我update下比大家知⋯⋯我唔鍾意食生果但係呢幾日狂食柑同有食啲蕉,喉嚨好乾但係無胃口,口淡淡,尋晚仲覺得自己無食嘢幾日好弱 喺度做深蹲」。


我確診咗了
@oneday.since.autumn 暫時關門直到negative再休息多幾日先營業
發病係20號凌晨
連日大雨西灣好似去咗極地咁人影都無隻
好在自己都無開舖
講講第一嘢嘅發病病徵
19號晚訓覺訓訓下覺有有啲周身骨痛
估自己因為19號我喺室外橫風橫雨嘅時候喺度吹風淋雨咗好耐而吹病咗
因為隔離舖都有keep住做檢測都係陰性
我就無覺得係中咗Omicon
(本人好宅 基本上平時我都係唔出街困喺房唔接觸人 所以源頭唔太清楚 屋企人都無感染無症狀不過屋企人呢排都會一齊留喺屋企)
之後我煲咗個熱檸樂煲薑
飲完好快就黎料 啲鼻水湧出黎
不過都係流咗一晚啫
之後鼻水都收曬
有發冷
不過發得燒係一定會發冷
然後我就食咗日本嗰隻感冒藥
食完好快見效喉嚨唔太痛
不過藥力退咗都係有發燒發冷
但係又唔算嚴重
之後兩日都係燒下唔燒下
同埋開始喉嚨痛
但係我又唔係痛到好嚴重定係我忍得痛定點
今日22號起身喉嚨痛好咗啲
咳都係一兩聲
痰都係一兩篤
我無幫自己探過熱
除咗去買快速測試時候門口嘅探熱
不過係人都知個探熱係廢嘅
我頭先度到係三十五點幾度
今日因為要出觀塘拎嘢同埋我想返屋企
順便返屋企之前測一測
雖然我認同共存
但係因為顧及其他人包括屋企人感受
全程我都好小心隻手揸住支酒精消毒液長期噴自己對手
同我自己
我覺得當時好似一個通緝犯
落雨個頭又濕
好猥瑣
成件事都好狼狽
我匿埋喺廁所幫自己檢測(係咪諗到個畫面都覺得好可憐)
超快 一分鐘唔駛就已經出咗兩條線
咁我msg屋企人啦
啊媽就打電話比我
我又唔敢聽
因為唔想喺廁所大大聲講我確診咗
到時我真係困喺廁所幾日都無得出黎
咁我ready好心情拎住支消毒
係又噴唔係又噴
眼神都好閃宿
當時屋企人冇叫我返屋企
因為佢地都驚一驚
諗起唔知可以去邊度
返西灣嘅話又要再一次吹風淋雨
覺得好無助
我喺車上面好想喊
但係又唔喊得因為啲眼淚會有病毒
最後好在得到屋企嘅批准
而家返咗屋企
決定困自己喺房唔沖涼直到negative為止
以下係我去過嘅地方
擔心嘅快速檢測一下
(自己全程都有狂噴消毒)
坐咗華勝街渡
長洲屈臣氏
12:45pm船出中環
的士去觀塘
成業街7號11樓
APM樓下屈臣氏去買快速檢測
APM二樓廁所右右面第一隔
的士去返中環
再的士去返東涌
自己無打針
唔太擔心
都係傷風感冒咁樣
睇下之後幾日病情點樣我update下比大家知
原本都覺得中Omicon係遲早嘅事
前幾日未知自己中嘅時候仲嘆氣點解要呢個時勢吹病自己要自己喉嚨痛兩次
所以當我見到positive嘅時候係鬆咗一口氣
而暫時最心噏係返到屋企嗰下見到隻貓對住我喵喵叫而我唔可以瘋狂摸佢錫佢
驚佢覺得我唔理佢
(個人經驗 我唔鍾意食生果但係呢幾日狂食柑同有食啲蕉 喉嚨好乾但係無胃口 口淡淡 尋晚仲覺得自己無食嘢幾日好弱 喺度做深蹲)
謝謝

圖及來源:IG@REGEN


緊貼最新疫情消息

最新疫情消息

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章