MIRROR第一手位單孩成員Jeremy（李駿傑）首支個人跳唱單曲《半》，透過歌聲唱出欲望底層裡的真我，展現與另外6位MIRROR單飛成員截然不同的歌曲風格，而MV找來獲今屆白港電影金像獎女配角雙提名的廖子妤擔任女主角，一同以黑暗風散發妖艷魅力。
由知道可以推出單曲，Jeremy已認定要找王雙駿（Carl）擔任歌曲監製，而Carl亦二話不說為他找來吳林峰作曲、周耀輝填詞。有別於過去清新作品，吳林峰為Jeremy寫出來的旋律呈現了Jeremy最希望展現的黑暗面，而創作過程亦有笑料，Jeremy道：「吳林峰寫完第一稿後，Carl叔叔要佢改，跟住吳林峰睇咗半個鐘鬼片，就完整地寫出〈半〉嘅旋律！」
至於周耀輝，Jeremy早就知道對方是猛料詞人，而對方也優雅地寫出了自己想表達的內容。「今次〈半〉呢首歌，係想話人有唔同嘅面向，但好多時候喺好同壞之間，大家總會忽略、拒絕接受壞嘅一面，但作為一個人，係需要接受所有面向，接受自己嘅不同面貌。接受咗，了解自己最渴望嘅，就去正視佢，努力變成自己想成為嘅人。」
第一次出歌，Jeremy坦言好緊張，他說：「話晒前面有6個兄弟出咗作品，不過我今次推出嘅風格又同前面6個風格完全唔同，係可以區分到嘅第7個Style，透過我哋每個人嘅Solo歌，可以話俾大家知，我哋12個人都有自己獨特一面，希望可以製造更多唔同風格，令到香港或者其他地方嘅聽眾，可以有唔同嘅選擇。」
至於今次〈半〉的MV，講述Jeremy是墮落天使，被世界中不同的黑暗面侵佔，產生了由廖子妤（Fish）飾演的黑暗化身，不停殺人，在殺死3個人之後，發現第4個目標人物是真愛，雙雙墮入愛河，為了要停止殺人這個瘋狂行為，於是請Jeremy這個本體封印殺人武器。
為了這個充斥著黑與白、善與惡的概念MV，Jeremy嘗試了3個造型，當中不乏妖艷與型格，他也嘗試了很多第一次，如搽指甲油及畫白色眼線，再配合不同的造型，在MV中化身天使與惡魔。這些造型，都不禁讓人聯想到Jeremy在2018年參加《全民造星》總決賽時獻唱〈Crazy In Love〉的妖艷美態，不過Jeremy說：「〈Crazy In Love〉造型比較王子，今次更加妖。其實由《造星》到而家，堅持行呢一條路唔係咁容易，但睇返原來行呢條路係啱嘅，要多謝《造星》。」
此外，導演找來Fish任MV女主角，Jeremy十分興奮道：「我一開始知Fish做女主角，已經覺得好勁，到拍MV嗰日上晝金像獎提名出爐，Fish收到好消息，就覺得成件事好Amazing！」不過今次Jeremy與Fish在MV中的交流不多，只有兩個Shot，Jeremy期待二人日後有更多不同形式的合作，因為他覺得對方演技十分厲害。
值得留意的是，Jeremy今次在〈半〉的MV中大跳糅合Urban Dance及現代舞的舞蹈，在幼沙上面的舞姿，有別於在Mirror中的勁歌熱舞。「啲沙好幼滑，跳舞時起初重心唔係捉得好好，頭一兩次跳會較驚，但之後掌握到少少，就可以跳得放啲，冇乜大問題。希望大家可以喺呢個MV見到另一面跳舞嘅我！」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
