日本優質收納品牌 山崎實業 8件廚具推介 款式簡約實用
第五波疫情嘅出現，大家都要減少外出同保持社交距離啊！相信嚟緊幾個月都會多咗時間喺屋企，唔少人都會親自下廚～今次小編就為大家介紹日本山崎實業嘅8件簡約又實用廚具，等大家煮飯嘅時候可以更加方便，廚房收納得乾淨企理！
1. 密封儲存盒配夾子 3,300日圓（約224港元）
平時煮飯總係會有啲食材用唔哂，丟棄未免太浪費。這時就可以將食材放入密封儲存盒，蓋上蓋子再按中間個掣就可以做成密封效果。儲存盒仲配埋夾子，可以放喺容器頂部，方便取出食材。
2. 磁鐵濕紙巾架 1,980日圓（約134港元）
相信大家屋企都有大量濕紙巾嘅囤貨，有時擺埋咗一邊唔記得用，好快就會乾哂。這個磁鐵濕紙巾架就可以一次過解決兩個問題，長期貼在雪櫃或有磁石吸力的地方就唔會唔記得啦～而且支架嘅蓋係由高度密封嘅矽膠材料製成，可防止入面濕紙巾變乾。
3. 桌面瀝水托盤 2,530日圓（約171港元）
瀝水盤分為三格，每格都可以單獨取出使用，左右兩格都有排水孔，啱哂打邊爐嘅時候用嚟放食材，肉類可以同菜類分開，方便又衛生。
4. 多用途支架塔 1,320日圓（約89港元）
不要以為佢只係用作掛杯或放煲蓋咁簡單，其實佢可以變成一個垃圾桶！你只需要將膠袋掛上，就可以變成一個隨手垃圾桶，一些蔬菜殘渣就不用逐次掉落垃圾筒。唔用嘅時候，仲可以將佢摺埋，不會佔用空間。
5. 調味用具架 7,810日圓（約529港元）
煮飯時一定會用到唔同嘅調味料，這款薄身架可以放在煮食爐旁邊，隨手就拎到想用的調味料。而鑊鏟、勺子等嘅廚房用具則可掛喺掛勾上，方便取用。
6. 伸縮儲物架 3,520日圓（約238港元）
廚櫃入面的空間雖然多，但放完盤、杯、家用電器、食材等都已經冇乜位。只要善用伸縮儲物架分隔廚櫃嘅空間，就可以輕鬆解決這個問題，拎嘢都方便啲。
7. 磁鐵架 3,300日圓（約223港元）
廚房入面有很多用品都想放在一個容易拎到的地方，但已再冇太多存放空間，點算好？這時就可以利用磁鐵架來增加廚房嘅收納空間。磁鐵架貼在雪櫃上唔佔位，又可以擺放廚房紙、膠袋等等。
8. 保鮮紙磁鐵盒 1,980日圓（約134港元）
保鮮紙放入磁鐵盒內可以順暢咁拉出，盒口位有鋒利嘅刀片以便切割保鮮紙，同時貼在雪櫃側又可節省廚房空間。
【INFO】
山崎事業│Simple Life Lab
官網：https://lab.yamajitsu.co.jp/
text/phoebe
source/山崎實業
========
同場加映
【蝸居睇樓團】380呎屯門舊樓大改造 ! 水泥Ｘ木色Ｘ條子營造和風屋＋日式浸缸浴室
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
