居屋2022接受申請，不少有興趣人士都正在積極考慮，不過有網民在連登討論區發文，表示硏讀完有關申請規例後，「睇完有嘢問，但1823打唔通！」，疑問就是：「如果一家四口住緊公屋單位（爸爸係戶主），兩名子女係家庭成員。爸爸媽媽申請綠表核心家庭，唔填兩子女嘅名。同時兩子女分開申請白表單人家庭，到真係抽中左先除名。咁樣會唔會俾房署當係重複申請而DQ？」大家又知道答案嗎？
問題一出，好快就得到網民以親身經歷回應：「用綠表申請新居屋 可以唔寫戶籍入面嘅仔女？我唔肯定得唔得，但我試過一年就係填晒全家名去抽綠表，之後我又用自己名去抽白表，之後兩份畀人DQ 咗！」雖然樓主都回應到：「呢個房署講到明唔得。一個名淨係可以出現係申請表一次，多過一次都當重複申請。」
申請居屋，每位申請人只可以出現在申請表一次，否則當重複申請，資格會被取消。
綠表申請人要填全屋人姓名
其實在房委會居屋2022申請網頁內的「一般資料」，入面的「常見問題」第10條，已經列明申請人不可以重複申請！
“10. 甚麼是重複申請？
任何人士(不論是申請者或家庭成員)只能名列於【「居屋 2022」及「房協資助出售單位」】
的一份申請表內（即網上／紙本申請的白表或綠表其中一份），否則會被視作重複申
請；
凡申請者及家庭成員分開名列於兩份或以上的申請，或夫婦分開名列於兩份申請表申
請，亦作重複申請論。
申請者只可選擇以下其中一種途徑遞交申請﹕網上申請、郵寄或親身遞交申請表。申
請者如在網上已成功遞交申請，申請者及/或名列申請表上的家庭成員毋須再郵寄或親
身遞交申請表之紙本，反之亦然。
如有重複申請，不論任何原因及無論是網上或紙本申請，所有申請一律作廢，已繳付
的申請費不會獲得退還，亦不能轉讓。”
但對於樓主的一家四口分開兩份申請表，的確好像無正面回答，但有網民就補充：「綠表一定要寫公屋入面所有人嘅名，而所有人名申請只能申請一次，所以結論，唔得！」、「答案係會，唔可以分開申請，唔識可以去搵屋邨主任問。」
若果綠表申請人有疑問，不妨去找屋邨主任查詢。
text/Joyce
photo/HKET圖片庫
========
同場加映
【蝸居睇樓團】380呎屯門舊樓大改造 ! 水泥Ｘ木色Ｘ條子營造和風屋＋日式浸缸浴室
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
