日本Paul & Joe「Home Office」系列 10件居家小物 WFH充滿活力！

貓頭cushion 3,080日圓
各位貓奴注意啦，呢款Cushion一共有兩款，分別印有Paul & Joe嘅標誌性貓貓，Nunette同Gypsy嘅大頭圖案，手感柔軟又舒服，啱哂WFH嘅大家放喺椅子上當靠枕，咁就可以令在家工作嘅環境更舒適啦！

貓貓cushion 2,200日圓
另一款cushion同樣有齊Nunette同Gypsy兩個款式，平時可以放喺手腕下墊住，用電腦工作時可以減輕手臂上嘅負荷，令手腕同手臂冇咁易攰。小編就覺得咁可愛嘅貓貓cushion做裝飾都非常治癒啊～

貓貓圖案手提袋 4,950日圓
手提袋共有兩款，粉紅色嘅Nunette及粉橙色嘅西洋菊，包包容量十分足夠，可以擺放13吋嘅手提電腦。包包嘅內側有3個口袋，方便收納，唔用時更可摺起來，節省唔少空間。

滑鼠墊 1,100日圓
在家工作又點少得電腦同滑鼠墊呢？這款印有Nunette大頭嘅滑鼠墊可以為沉悶嘅工作帶來一點點色彩；而另一款西洋菊圖案滑鼠墊亦很有小清新嘅感覺。

桌墊 2,860日圓
WFH想要啲儀式感當然要整理好枱面先啦，然後鋪上一張美美嘅桌墊，配上其他Paul & Joe 「Home Office」精品及文具，做嘢都有氣氛啲啊！

手帳本 3,740日圓

鐘意寫日記去記錄生活點滴嘅你，買咗今年嘅手帳未呢？「Breaktime Home Office」系列推出嘅手帳本一共有3款，分別係Gypsy、西洋菊、小黃花。封面內有一個透明嘅袋仔，可以放些名片、小紙條等，更附帶「Paul & Joe La Puppetry」嘅原創日程貼紙。

貓貓筆記簿 1,320日圓
工作需要難不免都要寫字記錄一下，這時就可以用貓貓筆記簿啦，大頭Nunette圖案加上桃粉色非常有少女心啊，見到靚靚嘅筆記簿，工作嘅心情都好啲啦！

原子筆 2,640日圓
這款原子筆很有少女感覺，玫瑰金與粉紅色嘅配搭，加上淡金色嘅西洋菊夾子，一看就知係出自Paul & Joe嘅產品。

筆袋 2,530日圓
花環作設計嘅筆袋感覺更加少女和優雅，既然在家工作需要用到文具，一個美觀又可以將文具收納得整齊嘅筆袋一定不能少。

貓貓筆袋 3,520日圓
除咗花花圖案嘅筆袋，仲有海軍藍色配上貓貓圖案嘅筆袋，而其拉鍊開口位置較大，所以放入同取出都十分方便，加上存儲量大，可以放多啲野㖭！

【INFO】

Paul & Joe 「Breaktime Home Office」系列

購買網址：https://www.paul-joe-beaute.com/collections/homeoffice

text/phoebe
source/Paul & Joe

========

同場加映

【蝸居睇樓團】闖名人鍾培生5層獨立屋玩Staycation 富豪裝修白色風水好！？