居屋2022現正接受申請，不少公屋住戶都積極考慮以綠表上車，不過「家家有本難唸的經」，有住公屋的網民在連登討論區提出自家煩惱：和爛賭父親不和，究竟是否應該用綠表申請居屋呢？
若果要以綠表申請居屋，綠表申請人要申報全屋住客姓名，若幸運抽中後，要交出現居的公屋單位予房署，但若果家人之間相處有問題，其實相當困擾。
有苦惱網民就在連登討論區提出自己的困境：原來樓主一家三口住公屋，父親幾十年前賭錢輸掉幾百萬身家，現經常在家散播負能量，樓主自己月薪約25k，母親開賣燒賣的小食店。樓主好想用綠表申請今期居屋，但父親知道後就發脾氣說樓主想「搶佢間屋，謀朝散位，嘈咗成個禮拜」，最後母親說若抽中後以父親作新居屋戶主，才安撫到父親。
在資金方面，樓主大約有200萬，母親口頭承諾可以提供100萬。但樓主好困惑：「呢幾廿年我受夠個負能量又性格古怪嘅老豆，但另一方面，我睇返目前私人樓仍然太貴，我入息咁低未必過到壓測，我應該點做？」
居屋綠表申請人要申報全屋住客姓名，若幸運抽中後，要交出現居的公屋單位予房署，故若果家人之間有問題，其實相當困擾。
高樓齡私樓值得考慮
原來網民近乎全部不贊成樓主以綠表抽居屋跟爛賭父親同住。
「填老豆名，過幾年幫你賣咗層樓填數喇！ 」、「如果你同你老豆生活唔夾嘅，自己出去買私樓好過。」、「飛起你老豆啦！你人生唔應該畀父母捆住，你阿媽對你好，你就搵機會報答佢，蓄（儲）多啲錢自己買私樓做業主，搵個伴就更好，兩個人一齊供，可以嘅話叫你媽過嚟住，留老豆自己住公屋，你老豆要為佢自己人生負責。」
網民認為樓主如果買到新居屋又以父親作戶主，爛賭的父親有機會賣樓套現還賭債。
同時網民都建議樓主不如考慮買私樓。
「有三球揸手都要諗？！私樓啦，細細地買間慢慢換上去。」、「白單照抽，私樓照睇，無衝突！」、「同意，白單買個希望，唔中咪買私樓，有3球係手，唔需要多諗啦！」甚至有網民說其實有跟樓主類近的經驗。「ching 同我一樣，上年買咗間2房29年舊樓同老母住，唔再理個爛賭又爛滾嘅廢柴！」、「差唔多情況，我最後買咗間2細房35年舊樓，預接埋老母一齊住。」
有網民總結分析：「居屋你唔使諗！1. 綠表如果用成個公屋戶籍去抽，因為你成家人都要去住，只會被你老豆輸清光！2. 白表你資產限額又爆，你有成25K一個月，買四百零萬的二手私樓，最多就舊啲，應該都做到按揭吧！」
不少網民都建議樓主放棄用綠表抽居屋改買私樓。
以樓主大約有300萬資金，其實有條件買樓齡較高的私樓。
text/Joyce
photo/HKET圖片庫
========
同場加映
【蝸居睇樓團】闖名人鍾培生5層獨立屋玩Staycation 富豪裝修白色風水好！？
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
