抽咗8次都唔中!網民熱議:究竟要抽幾多次居屋先至會中?

文: U Magazine
2022.04.22

居屋2022剛於3月底截止申請,房屋委員會合共收到約25.1萬份表格,平均約28人爭一個單位,難怪話多人說抽中居屋,難過中六合彩!有網民喺連登討論區分享自由抽咗8次居屋……都唔中!次次好似直播睇六合彩攪珠,但最後都係無自己份嘅心情!抽中居屋嘅大家,究竟你哋係抽咗幾多次先中奬呢?

樓主分享自己的抽居屋「心路歷程」,的確幾辛酸:「每年都必抽居屋/綠置居,數數下已經抽左8次喇!每次開彩都坐定定望實直播,自己號碼個波永遠都跌唔出嚟……安慰自己下次會中!每次上Yt見到啲裝修片都好ff,所以想知你地/身邊人抽左幾多次先中!你地抽中嘅心情似唔似中mark six咁?」最後仲補充咗句:「ps:抽埋今次,我唔會再抽了!個波應該會第一個跌出嚟!」

樓主表示抽咗8次居屋都唔中,抽埋今次若唔中,唔會再抽。

由fresh grad抽到人工過埋都抽唔到!
抽唔中嘅網民都有出嚟圍爐取暖:「8次未中!」、「抽9次都無份」、「由FG(fresh grad)抽到資產過咗再抽到人工都過埋,都係抽唔到!」、「抽得嚟都夠錢買私樓」、「今年第四次!長綠無限輪迴,唔知幾時先抽中頭獎」,有人就安慰大家:「抽完唔好諗,抽中唔好去揀樓,去咗都唔好買,做定心理建設就唔會失望!」

有網民表示抽咗9次都未中。

有網民由大學畢業抽到資產過咗,再抽到人工都過埋,都係抽唔到!

抽得到,都未必揀到樓!
亦有網民就歷盡艱辛苦盡甘來終於抽中:「15年開始獲獲都抽,抽到上年個期就抽到,應該都有5,6次」,不過抽中,亦未必揀到樓:「第2次,不過得細單位無揀」、「第一次就中,但得啲單人東涌」、「上年第一次抽單人中咗第一個波,最後都係無份揀樓」,跟住網民唏噓回應:「所以拎單人白表申請啲錢,去晒買六合彩,到時買到樓機會仲大啲!」

就算抽得中居屋,但到揀樓時得返單人單位,結果都係下次請早。

有網民甚至認為如果用單人白表申請居屋嘅機去買六合彩,到時買到樓機會仲大啲!

text/Joyce
photo/HKET圖片庫
=======
同場加映:
【蝸居睇樓團】藍田469呎40年舊樓翻新 解救侷促呂字廳 營造日系禪意客廳

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓

↓ 結合「氣炸」同「烘焙」︱0.2秒即熱︱7種烹調模式↓