全港首個私人居屋選址元朗 最快2027年入伙

2022.05.31

買樓上車一向都係唔少香港人嘅生活目標,可惜私人樓宇樓價持續高企,而居屋的供應數量又追唔上市民嘅需求!而新世界發展旗下嘅非牟利房社企「新世界建好生活」,去年就倡議發展全港首個非牟利嘅私人資助房屋項目,最新消息係已經落實選址喺元朗,預計最快可以喺2027年落成。

旁邊為公眾休憩空間  唔會樓望樓
呢個全港首個「私人版居屋」項目,選址喺元朗十八鄉欖喜路及公奄路交界,面向元朗公路一幅約3.03萬平方呎嘅土地,預計會興建一幢約有300個單位嘅樓宇,「新世界建好生活」團隊已於5月初向城規會提交土地改劃申請,若一切順利,預計項目最快將可於2023年動工,最早於2027年落成。而項目右側嘅土地會繼續用作藝術品儲存及公眾休憩空間之用,新世界無計劃興建私人樓宇,所以呢個項目嘅單位,應該唔會出現「樓望樓」嘅景觀。

選址地點鄰近多個私人屋苑,包括溱柏及瑧頤,暫時購物最近嘅地點可以到溱柏入面嘅店舖,想多啲選擇,可坐小巴或輕鐵至元朗市中心;交通方面則可乘10分鐘小巴到西鐵元朗站,同時亦有巴士直達觀塘及銅鑼灣。

全港首個「私人版居屋」項目,選址喺元朗十八鄉欖喜路及公奄路交界,現圖中紅色方格左邊部分將興建為住宅,而右邊部分則會繼續用作藝術品儲存及公眾休憩空間。

這個私人居屋項目鄰近溱柏,暫時購物最近嘅地點可以到這屋苑入面嘅店舖。

由這屋苑搭小巴去西鐵元朗站,車程約10分鐘。

坐小巴或輕鐵到元朗市中心,就有大量購物飲食選擇。

嶄新「上車易按揭」模式  減輕首期負擔
至於樓價等細節,尚未公布,不過新世界團隊之前已經披露過,單位售價大約係市價嘅5至6折,同現行嘅公營資助房屋計劃相若;比較特別,係團隊建議推出嶄新嘅「上車易按揭」及「漸進式供款」按揭模式,就係樓宇成交時,買家只須承造單位樓價一半嘅按揭,餘下一半樓價嘅按揭,可以喺成交後十年內,一次過或分階段承造,以解決年輕家庭未必可以喺買樓初期,一次過支付大額首期,以及置業初期供樓吃力嘅問題。

「新世界建好生活」團隊現正就「漸進式按揭」建議同金管局及銀行業界進行磋商,並獲正面回應,現正研究具體細節。而有關擔保期、轉讓限制,申請資格及審批細節等細節,大致上會參現行居屋嘅做法,有消息會盡快公布。

呢個私人居屋項目,團隊建議推出嶄新嘅「上車易按揭」及「漸進式供款」按揭模式,以減輕置業上車人士財政負擔。

text/Joyce
photo/新世界發展、HKET圖片庫
========
同場加映
【蝸居睇樓團】上門睇風水!龍師傅帶睇九龍城47年舊樓旺氣不再?鏡對睡床影響情緒+屋企太暗多病痛

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章