踏入夏天，即係代表陽光與海灘嘅季節嚟到喇！今季日本Starbucks推出以「SIREN's SHINY BEACH」為主題嘅商品，全個系列用上珠光色或者水藍色表達蔚藍且涼爽嘅大海，加上沙灘嘅夢幻圖案，想唔想像到夏日喺沙灘上，用住Starbucks杯歎凍飲嘅畫面呢？即刻嚟望下今季新品啦！
沙灘漸變不銹鋼 TOGO 隨行杯 3,950日圓（含稅）（約240港元）
呢個漸變色設計，就好似企喺岸邊、將腳浸喺涼爽嘅海浪中般，加上白色繪製嘅海星、貝殻圖案，清新又精緻。真空雙結構嘅不銹鋼TOGO隨行杯，可以隔熱又保溫，特別適合家居或辦公室內使用。
海灘漸變不銹鋼保溫瓶 4,350日圓（含稅）（約264港元）
粉藍色和粉紅色嘅配搭，加上漸變色面層上用咗閃閃發光嘅珍珠亮面及白色繪製圖案，超夢幻啊！同樣係不銹鋼保溫瓶，可以隔熱及保冷。
閃亮海灘不銹鋼保溫瓶 3,950日圓（含稅）（約240港元）
見到呢個杯簡直係愛不釋手，珍珠色嘅樽身，模仿陽光於水中折射嘅色彩。而今次嘅海洋圖案都係用雷射色彩繪製，仲發現到隻海龜添！
耐熱玻璃杯 2,500日圓（含稅）（約152港元）
耐熱玻璃杯設計簡約，大海顏色加上波浪紋理，模仿海面嘅景象，帶點平靜feel。
珍珠手柄馬克杯 2,500日圓（含稅）（約152港元）
第一眼就畀馬克杯獨特嘅杯柄吸引，好似一串珍珠手環咁。而杯身印滿五顏六色嘅圖案，啱晒lady用~
凹凸棱鏡 TOGO 冷飲隨行杯 2,500日圓（含稅）（約152港元）
仔細啲睇，杯身全部都係凹凹凸凸咁。原來設計靈感係來至夏日海面被猛烈陽光曬到閃閃令令嘅畫面。不過留意呢個杯只可以放凍飲咋。
閃亮海灘耐熱玻璃杯 2,900日圓（含稅）（約176港元）
成個玻璃杯都閃令令咁，杯身嘅一條條波浪紋嘅設計都幾有特色，聯想到海面波浪，幾夢幻嘅款式！
變色可重用冷杯 綠色 440日圓（含稅）（約27港元）
唔好睇佢個樣好似無咩特別，呢個杯遇冷可以變色，見唔見到變咗色嘅墨水紋呢？重點係呢個杯好輕巧，可以重復使用，亦方便攜帶。加上價錢便宜，買返個嚟培養自己帶杯出街嘅習慣啦！
飲品牛仔袋 2,200日圓（含稅）（約133港元）
牛仔布料質感，連埋粗麻繩，滿滿嘅夏日風情。呢個袋放得落Starbucks大部分隨行杯，防水設計，等你可以隨時帶住凍冰冰嘅飲品周圍去。
【INFO】
Starbucks 2022夏季新品「SIREN's SHINY BEACH」
推出日期：2022年6月1日起
售賣點：日本全國Starbucks
text/serena
source/Starbuck.jp@official
========
同場加映
【蝸居睇樓團】半山1,600呎望深水灣靚景豪宅！酒店級雲石浴室+美國胡桃原木吧台+水泥波浪天花
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
