日日媽媽聲|方紹聰母子檔罕提輕度弱智家姐感情要好 奶仔哽咽:原來佢戥我更加開心

2022.06.06

TVB節目《日日媽媽聲》第二輯繼續由余安安、羅敏莊、陳凱琳擔任主持,最新一集邀得男藝人方紹聰(奶仔)作客嘉賓之一,他更攜同方媽媽「美麗姐」,以母子檔形式錄影節目,大談日常生活點滴,當中還罕有提及到自己有一位患有輕度弱智的家姐,細訴悉心照顧智障家人的難忘事。

出身於一般普通家庭的方紹聰,與爸爸、媽媽及患有輕度弱智的家姐感情要好。雖然家姐未能以言語與奶仔溝通,但奶仔笑指二人默契十足:「好多人問我同家姐點溝通,其實我哋由細到大相處咗好耐,所以可能一個眼神已經知對方想點,或者少少嘢我已經知佢係開心定唔開心。」

奶仔又表示十分難忘家姐看到他在劇集《特技人》中演出後的開心反應,「嗰時成家人一齊食飯,咁啱電視播到我嘅畫面,家姐睇住個電視,企起身好開心係咁拍手掌,仲行出去指住部電視,再行埋嚟攬住我,同其他人客講:『呢個係我細佬』。」說到此時,奶仔哽咽謂:「嗰刻好感動,我以為自己開心,原來佢戥我更加開心!」

奶仔又表示慶幸自己在TVB努力工作12年後逐漸為人認識,故希望透過自己小小的知名度,令更多人關注弱勢社群、尤其弱智人士。

奶仔的媽媽「美麗姐」雖然要同時湊大奶仔及輕度弱智長女,但她依然樂天開朗、沒有怨天尤人。「美麗姐」還大爆奶仔出生時的小秘密:「佢出世已經有8磅2,我生佢好辛苦架,我生佢時因為太用力,塊臉爆晒微絲血管。」

「美麗姐」續指奶仔小時候有專屬二人的親密行為、促進親子關係,她說:「我餐餐都要同佢碌咭,我哋用臉嚟碌咭咯!」奶仔聞言即接招回應:「所以我哋個樣咁似係有原因,我哋依家少咗咁做,會改為請佢食嘢或周圍去。而家碌咭、錫錫轉咗嚟追女仔,係Work嘅。」還希望自己能像媽媽般一直做個開心快活人。

 

圖及來源:IG@方紹聰、節目截圖、劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓【免費睇!】《香港寵物好去處2023》!↓

↓超過20個毛孩放電點/冷知識/攝影技巧等↓

↓超過20個毛孩放電點/冷知識/攝影技巧等↓

評語

相關文章