東京迪士尼夏日海洋主題商品 米奇耳朵漁夫帽、鋼牙與大鼻斜孭袋
今個夏天，東京迪士尼推出「SUISUI SUMMER」夏日海洋為主題嘅商品，將米奇同佢嘅朋友帶到海邊玩耍同曬太陽，陪大家渡過炎炎夏日！呢個系列一共推出25款商品，包括：漁夫帽、頭箍、斜孭袋、恤衫、毛巾及公仔等，新品可以喺東京迪士尼樂園裡面嘅商店買到，或者喺東京迪士尼度假區APP線上購買～
「SUISUI SUMMER」帽子 2,900日圓（約166港元）
藍白混染配色好有夏日嘅感覺，帽子正面亦印有東京迪士尼度假區嘅標誌，加埋米奇耳朵就更加可愛啦～夏天去迪士尼戴住呢頂漁夫帽就唔怕曬，唔洗帶多把遮啦～
Chip 'n Dale斜孭袋 3,200日圓（約183港元）
去親迪士尼都中意孭返個袋仔嘅你就唔好錯過呢款斜孭袋啦，袋仔正面有Chip 'n Dale非常之歎咁曬緊太陽，裡面嘅空間唔多，不過手機、紙巾都可以輕鬆放到嘅～
Chip 'n Dale/米妮頭箍 1,800日圓（約103港元）
Chip 'n Dale騎住小鴨子實在太可愛啦，粉絲們快啲戴住佢哋周圍玩啦！如果想要基本款就可以買另一款閃閃蝴蝶結頭箍，夏日又夢幻～
唐老鴨/黛絲公仔 2,300日圓（約132港元）
唐老鴨同黛絲一齊穿上泳衣、帶上水抱登場啦，公仔配上掛鏈可以掛喺手袋或書包上做裝飾。
「SUISUI SUMMER」環保袋 3,800日圓（約港218元）
呢款環保袋嘅尺寸為37x40x17cm，容量超大，非常適合野餐時擺放大大小小嘅物品，淺藍用色更添夏日感。
「SUISUI SUMMER」水杯 1,100日圓（約63港元）
成日都話「見字飲水」，有隻靚靚嘅水杯自然都想飲多啲水啦。
「SUISUI SUMMER」毛巾 1,600日圓（約92港元）
夏日做運動簡直係一大挑戰，就算喺室內唔曬唔熱都一定會出汗，咁毛巾就係必需品啦～
「SUISUI SUMMER」恤衫 3,300日圓（約189港元）
呢個系列可以著上身嘅除咗帽同袋，當然唔少得恤衫啦，設計仲好有渡假feel㖭啊！
【Info】
東京迪士尼「SUISUI SUMMER」商品
購買地點：東京迪士尼
text/phoebe
source/Tokyo Disney Resort
============
同場加映：
【蝸居睇樓團】
沙田37年舊樓型格乾濕分離浴廁、客廳窗台巧變打卡位
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
