屯門工廈古色古香二手傢俬鋪 元寶形樟木櫳、改造龍舟bar枱 教你點揀貼士

文: U Magazine
2022.07.14

唔少人選購傢俬嘅時候都會考慮木製傢俬,因為既實淨又㩒用,但其實實木做嘅傢俬一啲都唔平㗎!所以今次小編就帶大家嚟到屯門這間很有古典氣派嘅二手傢俬店,裡面有上千種傢俬和飾品,每款僅限一件非常之獨特。另外亦請教咗店主Mavis一些選購貼士,想知就繼續睇落去啦~

2nd Chance在世界各地回收特色傢俬及飾品,經打理或改造後重新出售,中西兩邊展示室合共6,000呎,可以話係全港最大嘅二手傢俬店。

店主Mavis認為好多傢俬的造工同木材方面都十分上乘,希望傢俬可以一直傳承下去,所以將公司名命為2nd Chance,寓意每件傢俬都可以再次賦予生命,搵到一個好嘅屋企,繼續發光發亮。
選購木製傢俬最重要係注意有冇蟲蛀,如果留意到有白色粉末,要先清潔再觀察。如果仍有白色粉末,即代表傢俬可能已經被蟲蛀,建議要將其丟棄,否則有機會影響其他傢俬。
另外,很多中式嘅傢俬都會入榫,所以挑選時要注意榫口的接駁位,看看是否齊整,或者會唔會有凹凸的地方,即代表可能有修補過。


店主精選嘅6件傢俬:
中式榆木鞋櫃 $4600港元
這款中式榆木鞋櫃,尺寸比較袖珍,不會很佔空間,十分適合香港一般家庭。櫃內嘅層板可以自行調教高度,靈活度高。
樟木茶几 $4800港元
正方型設計的樟木茶几,睇落去好似好細個,但其實內有乾坤!四個角落的櫃桶都可以打開,裡面有大量儲物空間,可以放到好多嘢㗎!

榆木樓梯櫃 $3000港元
梯級形嘅設計榆木樓梯櫃有好多個小櫃桶,其實佢嘅前身係個CD櫃,而家就可以擺放小雜物,櫃頂仲可以放其他裝飾同擺設。
龍舟bar枱 $8800港元
睇上去同一般傢俬好唔同,其實佢係龍舟嘅其中一端,側邊刻有張保仔字。店主喺長洲收返嚟之後將佢升級改造成酒吧櫃,甚至裝上掛酒器,可以斟酒㗎!
中式樟木櫳  $4800港元
元寶形設計加上鎖口位嘅福字設計,富有中國古代特色。樟木的特殊氣味可防蟲防蛀,所以適合放置衣物、被鋪、書籍等。
圓鼓形茶几連凳 $18800港元
這套鼓狀茶几至少有50年歷史,屬於漆器嘅傢俬,紅色部分係朱漆,上面嘅圖案都係人手繪製,所以十分幼細和精緻。整套傢俬最巧妙嘅地方係,4張凳仔都可藏於茶几裡面,慳返唔少位啊!

【INFO】
2nd Chance
地點:屯門建發街13號建發工業中心2樓14室
電話:2496 1222
營業時間:11am-6:30pm(逢星期三休息)
網址:https://www.2ndchance.com.hk/zh-hant

text/phoebe
photo/kuen


============
同場加映:
【蝸居睇樓團】
沙田37年舊樓型格乾濕分離浴廁、客廳窗台巧變打卡位

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓