金像獎2022|謝霆鋒18歲攞新演員獎寸爆爸爸 謝賢時隔24年後封帝獲4字祝賀

2022.07.18

《第40屆香港電影金像獎》於昨晚(18日)完滿結束,85歲的老戲骨謝賢(四哥)首次榮獲提名金像獎最佳男主角,就憑《殺出個黃昏》躋身影帝寶座,全程由林家棟攙扶上台領獎,並獲全場站立拍掌,四哥簡單發表感言:「多謝大家!冇啦,我唔識講,我淨係攞呢個嘢(獎座)㗎咋。」

事後,不少網民就問身為兒子的謝霆鋒,為何未有陪伴身體狀況有異的謝賢,反而同為候選人的林家棟一直攙扶在旁,就獲讚細心;亦有網民回帶當年謝霆鋒於11年前首奪影帝時的一番感言,直指自己攞新演員獎曾寸爆爸爸,而如今爸爸謝賢終獲影帝,霆鋒亦有在社交平台送上4字祝賀:「恭喜老豆」!

重溫當年謝霆鋒的影帝致詞:「我18歲攞新人獎嘅時候,細細個我爸爸同我講,『你細個嘅時候我拍咗幾百部電視劇、幾百部電影』,嗰晚我攞咗獎之後,返到屋企我仲同佢講,『你成日同我講你拍過幾多百部電影,你有冇攞過金像獎,之後我一個獎擺喺枱上面』。到今日,我想同你講,我唔知點解呢番說話哽喺心入面12年,我希望你唔好似我咁放喺心12年,希望你原諒呢個不知天高地厚、冇禮貌嘅小朋友。可以養大一個咁麻煩嘅小朋友,仍然對住大家笑面迎人,你先至係最佳男主角,老竇,對唔住。」

 

圖及來源:金像獎截圖

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章