阿媽有咗第二個|油麻地街坊茶餐廳變姜糖打卡勝地 必影水吧、卡位/姜濤同款伙記制服現場有售

文: 王庭芝
2022.08.15

彭秀慧執導新戲《阿媽有咗第二個》上周四在本港正式上映,電影由影后毛舜筠夥拍兩位MIRROR成員姜濤及柳應廷(Jer)主演,早前MIRROR紅館演唱會釀嚴重意外,MIRROR成員需要時間調整身心及疏理情緒,八、九月都不會參與公開活動,所以姜濤和Jer都缺席電影宣傳,但仍然無阻電影聲勢,上映四天已經極速衝破1000萬票房。鏡粉除了入戲院支持偶像,飾演外賣仔的姜濤在戲中打工的茶餐廳近日亦人氣急升,成為了「姜糖」熱門打卡點。

姜濤戲中的角色「方晴」是一位熱愛唱歌的年青人,不過生活逼人,他唯有於茶餐廳打工維持生計,而他工作的茶餐廳並非劇組搭建廠景,真身其實是位於油麻地廣東道的永發茶餐廳,去年茶餐廳借出予《阿媽有咗第二個》作為拍攝場景,當時已經有不少姜糖收到風到場守候,希望「野生捕獲」姜濤,除了茶餐廳內的戲份,姜濤更在餐廳外拍攝踩單車戲份。

永發茶餐廳主打港式平民美食,如新鮮出爐麵包、蛋治、奶茶、經典快餐和炒粉麵飯等,平日都是做區內街坊熟客生意多,食物定價貼地。因為《阿媽有咗第二個》的電影效應,茶餐廳成為了姜糖打卡熱點,姜糖會帶同姜濤造型毛公仔來影相,尤其是姜濤企過的水吧位或者毛姐坐過的卡位,而現時茶餐廳不同角落都貼有姜濤的照片或粉絲應援手幅。

茶餐廳老闆仲相當有諗頭,出售姜濤在戲中所穿、印有「永發」字樣的同款伙記制服,內附劇照數張,售價$180。

除了《阿媽有咗第二個》,茶餐廳之前都經常借出予不同電影進行拍攝,姜濤隊友呂爵安(Edan)有份主演的《闔家辣》都曾經來過取景!

提提各位想來朝聖的粉絲,拍照時記得不要阻礙其他食客和餐廳職員呀!

 

永發茶餐廳

地址:油麻地廣東道847號

 

來源:《阿媽有咗第二個》劇照、FB@永發茶餐廳、《闔家辣》預告擷圖

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓