MC張天賦IG發火公開鬧爆外賣平台 競爭對手秒回晒出色公關技巧獲讚

2022.08.17

MC張天賦近日忙於籌備與9月與洪嘉豪攜手舉行的演唱會,又馬不停蹄為三首合唱新歌宣傳,工作密密麻麻。日前,MC在社交平台上罕有發火,在限時動態上鬧爆一間外賣平台,更大動肝火,直言:「搞到我錯咁?」事後,另一外賣平台對手就火速聯絡MC,展示出色的公關技巧。

MC日前在社交平台上罕有發火,在限時動態上鬧爆一間外賣平台寫道:「落個order話2點幾到,Delay到3點,咁我要做嘢就cancel啦,以後就唔可以揀現金俾錢?驚我走數?明明係你遲到,搞到我錯咁?逼我用信用卡?咁就開開心心俾你扣完錢要無條件接受你遲到?送漏嘢?#飽咗啦 #一肚火」。

►App《U TV》專區超過50個自家製節目任睇

事源MC下的訂單遲到一小時,因為要工作的關係,MC於是聯絡客服Cut單,雖然被接納取消要求,但豈料再獲回覆以後再下單,將不能使用現金付款,只能用信用卡預先扣款。MC本想投訴外賣唔見影,卻反被「禁止」以後用現金付款,因而大動肝火,截圖公開怒罵這家外賣平台,直言「搞到我錯咁?」

其後,另一外賣平台就聯絡MC表示「你想食咩?我哋即刻送俾你!」出色的公關技倆就惹來MC送上「心心」回應,並回覆「演唱會食牛扒得唔得?」

 

圖及來源:IG@MC

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章