85歲余慕蓮病重走過鬼門關後看淡錢財 大爆已立下平安紙捐身家捐層樓出去

2022.08.30

現年85歲的資深藝人余慕蓮兩年前先後因右耳石、血液發炎及肺纖維化留醫ICU半年死過翻生,她最近就忙於宣傳最近推出的自傳《我是一條豆角》,並接受商業電台《星光背後》專訪,透露病重走過鬼門關後的心境轉變,更大爆早已為自己立下平安紙,將層樓捐出去,看淡錢財身外物。

余慕蓮前年因為肺纖維化病情嚴重,一度情況危殆,需要留醫深切治療部,手術出院後一直處於康復階段。事實上,余慕蓮一直從事義工,2005年更將TVB給她近半數的退休金捐到貴州興建小學;最近就推出自傳《我是一條豆角》,將不扣除任何成本全數撥捐兒童癌病基金。余慕蓮坦言:「我唔要錢,亦唔恨錢。」

►App《U TV》專區超過50個自家製節目任睇

回憶兩年前患病,余慕蓮指最初有右耳石會突然會暈倒街頭,康復後因為經常咳嗽再進醫院進行身體檢查,怎料一檢查就失去意識,她說「入院後無意識什麼都不知,也不知自己進了ICU,那半年要插喉,瞓床瞓到背脊爛、屁股又爛,會好痛!是痛到叫:『我死喇!救命!好辛苦!』眼淚不停流都無人理,因為那病房每個人係咁叫救命。」

半年後出院走出鬼門關,余慕蓮於節目中有點不吐不快,稱大病前被兩名友人騙上廣州進行一次療程經驗,她說:「講埋畀你知,我不知是否受這件事影響!未入院之前,我被人騙了上廣州,我當佢老友,佢當我老襯!是一男一女,最初只是話廣州一日遊兼做身體檢查參觀些新儀器。上到去,我唔識國語,不知他們說什麼,抽完血後又吊些點滴入我體內,由朝搞到晚好辛苦。

之後,他們才說:『益你呀魚毛!這回春療程好貴架!』我幾時要回春?期間又要我簽名,又要我影相,才知道上檔、或是騙我做代言。當時無計!最慘是不知打了什麼東西入身體,要不然為何無端端有這次大病?整件事我當然嬲!雖然我沒什麼證明,但我估唔到有些人咁衰!」余慕蓮指及至回港後,才向兩位友人大發雷霆,期間對方給了余慕蓮兩萬元利是希望她息事寧人,余慕蓮拒絕收錢只要求對方刪相了事。

出院至今兩年,看透生死的余慕蓮指沒什麼心願未了,「我沒什麼心願!希望能玩多一、兩年,但千萬別要我長期瞓床,唔行得我情願早些『收工』!現在我只想行得、食得!先想快些整番好棚牙,假牙都唔緊要;行路用枴杖我都唔介意,我唔想長期坐輪椅。」原來早前曾經有人找余慕蓮復出,但遭她拒絕,「有人問我仲會做唔做戲,梗係做唔到啦!衰收尾咩,自己知自己事,而家我還要人攙扶,又無記性怎記對白呢!」

余慕蓮指回望半生沒半點遺憾,更早已為自己立下平安紙,「一早寫好,因為我無人無物,將來瓜老襯,間屋都值幾百萬,已經寫好會捐去東華三院。身後事都有安排好,因為人遲早排隊都要走,計劃好總好過比人呃,比人呃仲心噏。我一向不太看重錢,人最緊要健康,現在連健康都無乜,瞓醒一日就當是膁多一日,千萬不要想太多。」

 

圖及來源:《星光背後》、節目截圖

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章