網民發帖求救:地產經紀偷配單位鎖匙兼自出自入 係咪應該要報警?

文: U Magazine
2022.09.28

若果你係租客,某日喺屋企時,忽然有個陌生地產經紀帶客上門開門入屋,你會點算?有位業主喺連登討論區發帖,話發現有地產經紀偷配咗放租單位鎖匙仲擅自上門,問網民應該要點做?究竟個經紀,算唔算犯咗法?租客追究起嚟,業主會唔會都有罪呢?

樓主有屋放租,將鎖匙放咗喺其中一間地產公司,而交帶咗其他經紀,有需要時就可以問呢間公司借匙,「點知早排佢自己帶客上我租客度,先知佢自己偷偷地配左一條,係咪應該報警?」,點知網民反應都幾激動:「間屋有租客你都放匙,你咪一樣咁仆街?﹗」,樓主急急回應:「係佢之前偷配咗㗎!我自己放匙嘅都已經收番晒!」,網民都幫樓主解畫:「個經紀偷咗嚟配,個客係屋企冇鎖門,咁咪俾AA自出自入到,依加似係咁!」,樓主都補充:「yesyes!個租客係度,所以條友就走咗,成件事無人有損失,租客都好好,但我想追討但唔知有咩好追……」。

經紀偷配咗樓主放租單位嘅鎖匙,擅自上樓,而剛巧租客在場,好在無財物損失,租客亦暫時無追究。

住客隨時可以告經紀  擅闖私人地方
雖然暫時租客無追究,亦無財物損失,但網民都話呢件唔係小事,建議樓主立刻報警:「呢個情況真係要報,如果租客搞大件事你又唔報,就係到你上身」、「報!仲要快!如果個租客咁啱係屋企換緊衫,條友開門入去,個客可能怪你授權俾佢地入去,算係擅闖私人地方」、「個客係有權告你架巴打!如果你冇授權AA,你報定警話佢偷你匙+擅闖私人地方,咁萬一個租客真係告你,都唔會上身,仲係受害者」,有網民就覺得呢類案件只係民事訴訟:「不過呢啲都係得民事訴訟,可以叫佢幫你重新執過個裝修」,但有網民就話事件其實已經屬刑事案件:「擅闖私人地方就已經係簡易治罪條例入面,點會唔係刑事?!」

網民話如果住客要追究,除咗地產經紀可以被控擅闖私人地方,其實業主亦會被質疑點解會授權畀經紀入屋。

除咗報警,網民仲建議樓主要向地產代理監管局 (EAA)投訴:「追唔追究遲啲再講,最起碼要向EAA投訴,目的係澄清你無授權AA入去單位,避免租客告你,唔太清楚咁樣配後備匙有無犯法,不過AA咁樣入單位就衰緊,可以備案先」、「最起碼要出投訴信俾間公司,證明你無講過可以俾佢配匙上去」、「先報警開咗 file,再拎file 去 EAA 投拆」。不過網民都提出咗一個普天下租客都要留意嘅要點:「點解個租客冇換到個鎖佢?!」、「所以租樓收匙之後,第一時間一定係換鎖膽」、「用電子鎖」。

除咗報警,網民仲建議樓主要向地產代理監管局 (EAA)投訴,澄清樓主無授權經紀入去單位。

其實做租客,一定要記得:入住後要換鎖!

text/joyce
photo/HKET圖片庫

============
同場加映:
【蝸居睇樓團】290呎大埔夫婦上車盤變日式部屋 和風茶室延伸客廳、屏風窗台變打卡位

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓