康文署的「花悅滿城」計劃於港九新界多個公園都佈置了特色園圃，更選址4個地點，放置兩隻1:1原大的機動恐龍，配合花卉園景佈置供市民打卡影相，但近日竟有大埔街坊在Facebook群組開post指位於東昌街體育館的機動恐龍不停叫，對附近學校的學生上課造成滋擾，帖文引起熱烈討論，不少網友反駁樓主無理取鬧，直言：「人哋學校都未投訴呀！」
日前在Facebook「大埔 TAI PO」群組有網友發帖，寫道：「今日見到東昌街體育館放咗隻恐龍，但不停叫，叫聲都幾大，其實都幾騷擾隔離兩間學校啲學生上堂。」相中見到恐龍所在之處有兩間學校，分別是大埔崇德黃建常紀念學校及大埔舊墟公立學校（寶湖道），而恐龍與兩所學校中間分別相隔一個籃球場和一條馬路。
點擊圖片放大
帖文掀起熱議，至今逾千個按表情回應之中，有超過700個「哈哈笑」，亦有近200則留言，不少網友都不認同原post的說法，有網友直言：「做人難，做隻膠龍更難。」、「放過佢啦，難得有龍探訪大埔，唔係區區有，佢好受歡迎，都冇學生投訴過。」、「人哋學校都未投訴呀！」有網友表示難得恐龍出沒大埔，可以讓區內居民不用跨區打卡，實屬美事。
有去過影相的網友指現場並沒有聽到恐龍發出聲音，質疑樓主的投訴無中生有，但都有網友平反指恐龍展出初期的確會發出聲響，但認為不至於造成嚴重滋擾。更有網友留言：「學校日日打鐘嘈住隔離啲街坊，可唔可以唔打鐘？」以反擊樓主。
來源：fb@大埔 TAI PO
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
