屯公巴士阿叔搭過龍要求中途落車被拒 報警稱「被騎劫」!車長被要求道歉引熱議

文: 黃卓瑩
2022.10.12

乘搭交通工具時不時會遇上奇人奇事,最近有網民搭巴士途徑屯門公路轉車站,一名阿叔懷疑「搭過龍」要求在公路停車,豈料車長拒絕阿叔後報警稱被禁錮,結果連累成車人要在葵涌交滙處下車。據悉車長更被警方要求向阿叔道歉以示敬老,不少網民力撐車長無做錯、無需道歉。

有網民在Facebook群組「屯門公路塞車關注組」分享涉事片段,樓主表示有日下午5時左右乘搭九巴60X線,由屯門公路轉車站往九龍途中,一名阿叔懷疑因「搭過龍」要求在公路落車,但因巴士已離開車站,車長未有理會,阿叔遂手持電話站在司機位置旁邊揚言報警,並向警方稱:「依家佢騎劫我唔俾我落車」。車長及後向阿叔表示:「你唔好騷擾我麻煩你行返入去」,約兩三名乘客見狀亦叫阿叔不要騷擾司機並返回車廂,以免影響行車。

►App《U TV》專區超過50個自家製節目任睇

據悉阿叔在屯門公路轉車站上車,當時巴士已經停過兩次車並離開轉車站,開往九龍方向時阿叔疑忘記落車,不停大聲叫囂,又要求警方派車到場截停巴士。車長表示當時「巴士停咗2次,2次你都唔落車」,不少乘客都大為鼓噪。

最後當巴士駛到葵涌交滙處時,車長通知所有乘客下車,有人不滿為何要中途轉車,擾攘一輪後轉乘另一架巴士離開。有乘客表示最後警方要求車長道歉,以示敬老。不過大量網民力撐車長無做錯,形容「自己唔記得落車,就將責任推哂俾人」、「支持車長」,無需要亦不理解為何要向阿叔道歉。不過也有人認為司機未夠經驗,大可以致電巴士站站長通知受到乘客騷擾。

 

圖及來源:FB@屯門公路塞車關注組、Google街景


 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓