太子大樹咖啡室 布甸丹麥多士 番薯山紗織

text│sieg　photo│Man

深水埗太子一帶的靚 cafe 開極都唔完，呢間氣場同同區的不同。以不同顏色的 pantone 做主題，最誇張係有棵 1:1 大樹，空間打造得空靈有氣質。餐廳原來是長洲打卡飲品店長洲角酪的主人，用上藍月亮的色系做主調，加埋偌大的空間、大樹及地台，概念是想大家在繁忙抑鬱的生活中找到寧靜舒坦的感覺。

最吸睛是吐司系列，有鹹有甜，本地小型手作麵包工坊出品的丹麥包牛油味很香，每早新鮮送到店，吐司以蜂蜜煎香，既香又脆、有牛油及蜂蜜甜味，鹹的可配滑蛋鰻魚或滑蛋軟殼蟹。甜品也亮點處處，日本好流行的布甸吐司，是自家製 crème caramel 加丹麥吐司，枱枱必點。也有流行的「紗織」蛋糕，口味靈感來自煨番薯及台式的芋泥蛋糕。另外仲有雞翼、沙律、烤椰菜、all day breakfast 等。

洲角酪的飲品單放入店中，乳酪是店主自家發酵製作，無添加，調飲品也不用果糖漿，配上新鮮水果或果醬打成蓉做飲料，乳酪味酸甜，但無糖精味。推介小英角酪，用台灣新鮮金鑽菠蘿製；也可試他們用米做的經典口味。唔使入到長洲都吃到島上著名飲品。

+5

+4

點擊圖片放大

【cap】
MOONTONE
地址：太子砵蘭街 440 號地下
電話：從缺
營業時間：12nn - 10pm
備註：建議於 MOONTONE ig 按連結預先訂座