淘寶傢俬｜花$3.7萬淘寶訂造全屋實木傢俬 港男讚質素好：超出我預期【分享2大淘傢俬貼士】
網購傢俬款式多，價錢亦較平。港男Eason早前新居裝修，由於本地實木傢俬售價貴，決定轉由「淘寶」訂造，花費約3.7萬港元購得全屋傢俬，包括電視櫃、鞋櫃、餐桌等實木家具，大讚質素比預期好，並分享2大網購傢俬貼士。
港男淘寶訂造全屋實木傢俬 大讚質素超預期
Eason日前在Facebook群組分享，在裝修新居後，夫婦倆四出物色傢俬。由於二人都鍾情胡桃木家具，然而有一次在家具店看中一個全實木胡桃木電視櫃，要價竟高達38,000元，令他大為卻步，「仲要喺大陸東莞造！」
Eason有感本地傢俬店售價高，卻同樣產自內地，決定自行在網購平台「淘寶」物色，花上一周瀏覽各店舖的買家評價，最後決定透過「淘寶」店舖訂製全屋實木胡桃木傢俬，總金額為3.2萬元人民幣（約3.7萬港元）。2個月後所有家具到齊，包括電視櫃、餐邊櫃、鞋櫃、餐桌、2張椅子和1張長椅，他形容質素超出預期，「連櫃桶嘅軌都係實木」，
「可能有人都覺得貴，但用32,000人民幣，我買齊晒呢度咁多件，都未及我當初喺香港睇中嘅一個櫃嘅價錢，我確實心滿意足。」
他指賣家本身使用平價速遞公司，他有所擔憂，決定加錢轉用順豐直運，形容全部「原件到達」，除了枱腳和櫃子把手，其他均毋須組裝，3箱貨品分別重254公斤、342公斤和168公斤，運費共4,000元人民幣（約4,600港元），賣家則免費替他打木架。
最滿意訂造餐桌：出到嚟超乎我想像
眾多家具之中，Eason對訂造的餐桌最為滿意：「張枱我訂造的，不過我強調所有傢俬用同一種木色，我叫佢用大約佢哋嗰張嘅形幫我做伸縮，伸出來嘅木板仲要對番木紋，然後角位磨圓，因為屋企有細路，出到嚟超乎我想像」。
不少人都對「淘寶」傢俬的質素有懷疑，認為在本地購買更有保證，Eason卻未太認同，又分享在港買的嬰兒凳要價3,000多元，卻出現甩色情況，反而在「淘寶」購買的500多元人民幣的款式質素不錯。
2大網購家具心得
Eason接受訪問時又分享，坦言網購家具品質參差，但指出本港大部分傢俬店產品都是內地製造，只要用心物色也能找到高質素產品。他稱當初花上很長時間比較各間網店，主要有2大要訣，其一是仔細看買家評價，其二是要求賣家拍片，
「我真係花咗好多時間去比較每一間造胡桃木傢俬嘅店，始終唔算平，但我會要求佢哋拍片畀我睇吓佢哋嘅現貨場，因為拍片比較真實，同唔會好似相咁容易做濾鏡，我會叫對方內外都拍畀我睇，落訂後就只有一個『信』字。」
相關文章：
文章內容和照片獲事主授權刊登
港生活人氣本地熱話
↓【限時搶⚡】Dermeze得美滋無皂清潔沐浴乳↓
↓修復、補濕滋潤、鎖水保水｜遠離乾燥和粗糙↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
