《聲夢傳奇2》學員文佐匡（Sean）曾經與黃子轁的娛樂公司簽約，可惜苦無發展，在媽媽的鼓勵下來港參加比賽。雖然落敗未能打入三甲，比賽過程中讓他一嘗Rapper的滋味，慢慢愛上這個表演方式。Sean希望唱歌、拍劇雙線發展，做出成績報答一直支持他的媽媽。
Sean的歌手夢早於高中時期萌芽，16歲遠赴英國讀最後兩年高中，成績卻是強差人意，媽媽建議他修讀的經濟、商業和數學三科都不合格。他為了考高考取得滿意的成績，惟有轉科，說︰「佢想我做律師、做生意或者醫生，點知我狂Fail（不合格）！成績太差了，轉讀戲劇反而唔錯，舞台表演方面都幾好，當然要讀歷史嗰部分都係唔合格，後來再轉科，讀媒體，都不錯。我就同媽媽講，我可唔可以試吓做藝人？佢都好支持。」他表示原本打算申請入讀英國的戲劇學院，媽媽認為他始終是黃皮膚，在當地難有發展機會，於是轉到北京修讀戲劇學院。
在北京讀滿兩年就爆發疫情，Sean在機緣巧合之下得到賞識，跟內地著名藝人黃子轁簽約，成為他旗下的藝人。他坦言，內地突然改變偶像選秀節目的規則與安排，令他未能如願組男團出道，「內地競爭大，我冇咗偶像選秀節目嘅機會，只能做演員。黃子轁好親切，不過公司又唔係打造演員嘅公司，所以幫忙不大。」在媽媽的鼓勵下來港參加《聲夢傳奇2》，他表示：「媽媽見第一屆炎明熹發展得唔錯，叫我返嚟參加，其實永遠第二屆都冇第一屆咁受歡迎，結果我要離開我班好朋友，返到香港發展其實分別都唔大。」比賽中大部分是女生，男生總是被忽略，Sean賽後也沒有增添粉絲，問到是否後悔回港參賽？他說：「冇得後悔，生活冇得後悔，只要唔好停低，一定有機會，劇集方面我都有試過面試，不過始終知名度未足夠。」
Sean目前希望唱歌和演戲雙方面發展，夢想是希望在音樂節或者小型的Live House表演Rap，他說：「其實我之前一直未唱過Rap，直至入《聲夢2》竟然安排我當Rapper？我覺得幾好玩，幾有Feel，而家開始寫歌。希望將來有機會發布自己創作嘅Rap歌。」
撰文：楊安莉
攝影：何家賢
場地：Studio Meta
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
