遮柄表面黐立立（黐𥹉𥹉）滿佈膠漬，近日有網民指嘗試各種清潔方法都無效，直至在12蚊店購入一款電解水清潔劑，終於輕鬆將膠漬刷去，大讚效果非常好。專家又教大家以梳打粉清潔遮柄，同樣有效清除膠紙漬。
遮柄佈滿膠漬 12蚊店好物輕鬆KO
該網民在Facebook群組「12蚊店關注組」發文，指每次使用磨砂遮柄的雨傘，放久後遮柄表面總會佈滿膠漬，變得黐𥹉𥹉，曾嘗試用去膠漬水清潔，但成效不佳；後來於12蚊店發現一款橙色包裝的電解水，「捽佢兩捽，再過過水，自然風乾後啲黐立立全部無晒」，成功將膠漬去除，更大讚「全新嘅一樣」。
從網頁介紹，該款清潔劑售價12元，標榜可去除油污，並留下芬芳香味，適用於餐桌、灶頭、電磁爐、塑料等。
點擊圖片放大
帖文引起熱議，不少網民大讚電解水是清潔家居好幫手，「謝謝分享，救我屋企嘅遮柄，成日好糾結掉咗佢，而家有救啦」。此外，有網民分享其他方法可達到同樣效果，「其實拎啲消毒酒精一抹就OK」、「我用梳打粉開水抺都得」。
專家教梳打粉去漬法 塗抹生油回復光亮
修理雨傘達人Michelle曾分享，當遮柄、公仔、塑膠玩具出現黐𥹉𥹉情況，可嘗試用「梳打粉清潔法」。首先把2至3匙梳打粉加少許暖水攪拌至漿糊狀，再塗抹在遮柄上，「醃」著表面90分鐘，之後用百潔布邊沖水邊刷走梳打粉，便能有效清除膠紙漬。
由於遮柄顏色事後變得暗啞，清潔後可在遮柄塗抹生油，便能令遮柄回復光亮。Michelle補充指「咩油都可以」，包括廚房食用油，只要不是「WD-40」潤滑劑便可。
點擊圖片放大
相關文章：
圖片來源：Facebook「12蚊店關注組」、網上圖片
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓《社群狂歡大激賞》↓
↓送香港迪士尼樂園1日標準門票60張！↓
