朱智賢短片破百萬點擊拍上癮 揸車舉中指 網友話原來會扣分...

文: 程家健
2024.02.29

朱智賢(Ashley)自從去年離開無綫,作自由身發展。她不時在IG分享自己拍的搞笑影片,題材千奇百趣,除了曾以師奶Look現身外,早前一段她更被「掌摑」嘴巴,可謂搏到盡。

而近日朱智賢又在社交網上載一段片,片中她在揸車,打燈準備cut線時,她開車窗並伸手出車窗外。在她身旁的友人以為她伸手出窗是善意之舉,表示:「你都幾有禮貌。」不過朱智賢就回應:「吓!我舉中指喎!」

後來朱智賢就在社交平台問:「究竟現實嘅我有冇試過舉中指?」不少人留言:「禮貌的宗旨」、「成日見到你地,你兩個揸車都係有禮貌嘅」、「中指都算係一個禮貌回應」、「國際禮儀」、「以為的士叔叔至會咁嚟㖭」。有人更直言:「呢個根本係現實嘅你。」朱智賢澄清:「我冇呀!」而袁偉豪亦「亂入」打歌,宣揚道路安全意識:「有冇聽《馬路英雄》呀?」 朱智賢:「Boom又擺ya擺下~~~」

 

亦有網友留言指自己試過因舉中指而被人扣分,「試過,扣咗5分」,朱智賢問:「舉中指俾人扣5分?」該位網友表示:「畀人1823不小心駕駛」朱智賢反問:「咩係1823?」有善心網友助解答:「1823 電話熱線,收市民投訴畀部門跟進。」

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓