近年梁競徽（前名梁烈唯）專注於內地發展，不時於微博及抖音分享日常生活及展現愛國心，仲放棄埋香港嘅社交平台。早前佢喺抖音分享囝囝食雪糕嘅可愛樣，但就竟然被黑心嘅網民批評小朋友嘅外形，嬲到佢留言反擊兼block黑粉。
競徽於抖音post出囝囝食雪糕嘅片，囝囝一邊食一邊鬼馬跳舞又唱「馬桶人」歌，摸下肚仔又食下雪糕，成個嘴隻都係雪糕，非常可愛。不過就似乎有人留下惡意評論攻擊佢囝囝，令競徽留言反擊：「看到一些朋友的言論，不知道是有心還是冇意去說到樣子的問題，我可以跟你說，所有的父母都會覺得自己的孩子是可愛的，但這個不是重點！最重要是他們健康開心，孩子像誰也不重要，重要有個快樂的童年和健康的家庭！」
更加有人連帶攻擊埋佢太太嘅外形，競徽就表示自己係睇太太嘅內在美：「至於有人說我太太不美，我看的不是外表，是內心！她的人品人格夠美就可以了！人總會老，外表和身體也會變，如果你老公或男朋友只喜歡妳的外表和身體，那妳好自為之！另外一個題外話，看了一下說我太太和孩子的那幾位，如果妳對自己的樣子是有信心的，妳就不用整喇！」不過相關嘅留言就睇唔到，相信已經畀競徽「拉黑」。
唔少人都支持競徽，叫佢唔使理黑心留言，更大讚佢嘅小朋友可愛：「認同，原来您思想係咁正面的，你一定是個好老公，好爸爸，馬上關注你。」、「支持你。」、「你仔仔好可愛，靚仔。」、「嘴巴賤的人無需要理佢。」
圖片來源：Instagram、抖音
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
