濫用公屋｜除名後雜物無搬走 房署家訪逐樣問 港女呻：班人捉得好誇張

房屋署近期加強打擊濫用公屋，一名港女發文訴說自己和弟弟本身跟母親同住公屋30年，兩姊弟現已除名，但屋內仍放有不少物品，結果房屋署上門家訪時，逐樣盤點並提出質疑，令她不滿怒批「離地」。

同場加映：
管家王｜衣櫃越深越難收納　地台最重要裝一個配件　專家拆解睡房儲物空間設計

該名女網民日前在網上討論區「親子王國」中發帖，表示自己和弟弟本身跟年過65歲的母親同住公屋30年，兩姊弟現已除名，但屋內仍放有不少物品，例如弟弟的模型櫃、積木等。

遭質疑屋內多物品

事主指近日房屋署相約上門做家訪，職員見到兩姊弟的物品隨即問「點解仲有嘢喺度」，又指水費超過「正常一個人」的上限，令她直言「用水都要管，黐鬼線」。職員甚至要求打開鞋櫃計算有多少對鞋不是屬於戶主，令她感到無理，直斥職員「離地」、「房署班人捉得好誇張」，

「大佬呀，住咗成30年，唔一定所有嘢要搬走呀嘛。我細佬以前啲模型櫃冇搬走都要問，瞓過張床仲喺度都好似唔畀咁，好想鬧人，不如講明脫離戶籍要全部雜物拎走。阿媽連我細佬30年前嘅lego仲留喺度，放乜都要房署跟進，真係有排解釋，我想問埋佢啲合照係咪要cut走埋我。」 

事主形容職員又會向鄰居問話，她指最近母親生病，兩姊弟多了去探望媽媽，結果引起懷疑，「太荒謬，咁仔女返去探佢探多咗都有問題先係問題，阿媽你有病唔好通知我，自己搞掂」。

網民：放乜都管 VS 身冇屎怕咩

帖文曝光後，有網民指摘房屋署職員做法「離地」，連放甚麼物品都要管。但有更多網民指最近很多人濫用公屋，認為嚴查單位是好事，亦有人批評事主和弟弟搬走後也應清走物品，「寧願房署跟得緊啲」、「解釋到咪得」、「脫咗名的確應該搬走啲嘢」、「你冇濫用唔代表所有人都冇，最好查多啲、查密啲」。

↓ 點 擊 圖 片 放 大 ↓

+14

+13

點擊圖片放大

署方收回2,200濫用公屋單位 料較上年度上升

房屋局常任秘書長兼房屋署署長羅淑佩早前表示，署方總結去年工作，截至2023年12月31日，署方因租戶濫用公屋及違反租約而收回約2,200個單位，已達上一年度數字，故全年可收回濫用公屋單位數字必定超越上個年度。但羅淑佩指局方高調打擊同時，違規個案亦會以各種方法規避，認為整年回收單位未必可及早前提及的3,000個。

政府去年10月要求約8.8萬個租戶申報居住情況，羅淑佩指截至1月中已收回約8.7萬份申報表，餘下345戶仍未交表。申報計劃下，有330戶因不同理由主動歸還公屋，另有46戶在署方核對資料下發現在港持有物業，遲交表的900多戶當中亦發現24戶在港擁有物業，當局已發出收回決定。房署將於4月展開下一輪申報，涉及超過25萬被納入「富戶政策」下需申報租戶，署方預期會有個別租戶因移民等理由主動交還單位。

羅淑佩又表示，物管公司人員日常巡邏屋邨時不時會發現濫用公屋等違規情況，並向房署反映，至今已發現22宗個案。