MIRROR 12位成員終於都陸續有自己的單曲，作為壓軸一批推出個人首隻歌曲的分別有楊樂文（Lokman）、陳瑞輝（Frankie）、王智德（Alton）和邱傲然（Tiger）。近日，邱傲然把長髮剪掉拍攝新歌《Alright》MV，令人眼前一亮，眾成員都讚到嘩嘩聲。雖然起步可能平部分成員較遲，但眾成員都特別愛錫邱傲然，拍攝短片撐到底。
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
日前邱傲然推出新歌《Alright》的MV，充滿電影感，以故事形式拍攝。他飾演一個失意打工仔，兼且生活上有很多不如意事。MV全是邱傲然的喜好，由於他鍾情汽車，找來不同款式罕有車輛在MV內出現，最為觸目是他親自駕駛70年代黃色的Corolla，他表示：「其實呢架Corolla，係演唱會我執導嗰條短片裡面出現過，今次算係呼應返個自己嘅作品。」而MV內，更有燒車、放煙花等效果。為了配合MV中的角色，邱傲然穿上西裝、戴眼鏡扮作寫字樓員工。
邱傲然作為MIRROR中最年輕的一人，其他成員都特別拍片支持，11子分別以4組人拍攝，大家欣賞MV時奮興得嘩聲四起，呂爵安（Edan）、姜濤、李駿傑（Jeremy）和盧瀚霆的一組，大讚剪短頭髮的邱傲然有型，見到邱傲然有食煙鏡頭，李駿傑就話：「壞呀壞呀，佢壞過凱婷。」
大家見到MV內有燒車、放煙花等效果，都不禁大讚MV高成本製作，充滿電影感，而江𤒹生（AK）覺得有驚喜。邱士縉（Stanley）和柳應廷（Jer）就睇得出MV內全都是邱傲然的喜好，柳應廷說：「我覺得佢好正，個MV比平時我哋嘅MV，好有電影感，配樂、車，乜嘢聲都收集齊。」而邱士縉也有同感：「好係佢，佢好鍾意車，以車寄語一件事。」
至於王智德（Alton）就睇得好仔細，他認真地說：「我知佢比喻緊人生，行到某個位跪低，之後有朋友經過相助，就算嗰個只係陌生人都會幫。由歌曲、去到演唱會演出，連埋呢個MV，佢都係Keep住做自己鍾意做嘅事，一個人做自己鍾意做嘅嘢，就會發光。」
不單組員表揚外，樂迷聽到都覺得歌曲很感動，「作為已經40歲嘅中佬，估唔到會比一首咁年輕嘅新歌感動到，加油，希望從你嘅聲音得到更多感動」、「姜糖入嚟支持虎仔, 本身Tiger已有好多talents, 呢幾年努力裝備自己. 好開心見到你出咗SOLO歌, 導演方面又有出頭, 加油」、「終於迎來第一首歌嘅MV，一直就覺得老虎仔好有潛質，直到佢做導演等，證明咗佢嘅努力，虎仔唱歌都越嚟越有進步，好鍾意呢首歌，好勵志，MV都好好睇」、「小虎唱歌很有潛質。總覺得他就算遇上失敗，都以滿載浪漫的心態輕輕捱過，再繼續前行，深信最終都一定Alright」。
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
