熱愛優質生活

由太安樓出發 一路向筲箕灣尋找好味道!

身邊有唔少朋友,次次去完太安樓掃街,食飽就打道回府。既然一場來到,何不直落,順便踏足筲箕灣?

今次就以太安樓為起點,帶大家一路行到筲箕灣(其實路程真的不遠,大概行15分鐘便可到達。當然懶得行的你,亦可以選擇搭電車代步)。走過舊街,發現新店。你會發現,原來除了筲箕灣東大街,這一路上竟匯集了這麽多好味道!

 

第 1 站 來來小吃店 先來上一碗台灣刨冰

繼紫薯手抓餅、抹茶味墨西哥薄餅,太安樓又有新美食!開業不久的來來小吃店,店面看似平平無奇,但卻有台灣傳統黑糖刨冰!刨冰即叫即製,口感軟綿的刨冰。再淋上黑糖及煉乳。配料又多,有仙草凍、布丁、粉圓、芋圓、仙草、寒天、紅豆、綠豆等任你揀。
 
心大心細的你,記得要選五種冰(即可以任揀五種配料,必點芋圓)。所有配料連刨冰,堆得有如一座小冰山,未食已覺透心涼。如果你愛吃水果,不妨可以試試芒果及西瓜牛奶冰。未出發,先消暑,準備來上一碗台灣刨冰,於大熱天時來個痛快!

第 2 站 珍之味 買個椰皇再出發

正想過馬路之際,回頭一望,便發現了這間果汁店。珍之味有即製沙冰、五清汁、鮮搾果汁及椰王出售。太安樓内大多只賣台式飲品。下次在太安樓掃完街,可以買返杯夏枯草或薏米水清熱解渴。另有店主秘製的花菇碗仔翅、咖哩豬皮蘿蔔魚蛋。

椰王$20一個,買一個邊走邊飲,正!

第 3 站 Big Mama 韓食新店備受矚目

繼續行,一路會經過不少舊式餐廳及餅店。走到潤民商業中心,有這間韓食新店。走進店內,收銀機就在當眼的位置。而多款韓式小食就放在旁邊。看完餐單,定價並不貴,韓式便當也只售$58。不想食得太飽,今次就點了一客餃子及一杯桃汁。大家可以選擇堂食或外賣。

坐在落地玻璃前,獨佔一人座位。木調的餐桌上,更放有一盆綠色盆栽,坐得頗為舒服。不過,要有定入鏡的心理準備。在短短十五分鐘內,已有唔少人走過來影餐單、影店面(小編真心怕上鏡,希望無影到我啦)。

好喇,講返食物。桃汁未飲,就已經聞到陣陣桃香,飲落甜度剛好,好想再飲多杯!韓式煎餃子一客有五件,咬下去囗感不肥膩,點上酸辣醬味道更惹味。

第 4 站 天悅廣場 $3炭烤雞串過口癮

天悅廣場是筲箕灣的小型商場,曾經有不少食店埋沒其中。還記得當年有一間日式拉麵店,平得來又幾好食,可惜已經結業。有些味道再也找不回。
 
走進商場地庫,現時僅餘下幾間食店,嘉莉食品便是其中一間。先被$10四粒日式小丸子所吸引,然後再見到$3炭烤雞肉串。反正不求飽肚,只為過過口癮,於是便要了一串炭烤雞肉串。味道不算特別,但勝在價錢平。如果想行行商場的話,樓上還有夾糖店、撈麵加零食店及日本代購店等。

第 5 站 德記 懷舊零食這裡尋

離開天悅廣場,由樓梯直落,你會看到這個小檔口——德記。德記可說是筲箕灣的老字號,位置就在樓梯街口,是真正的「街頭」零食店。

想找懷舊零食及涼果?可以來這裡碰碰運氣。德記有一袋又一袋的零食,小編小時候就最愛來德記買腰果餅。

內容評分
評語