身邊有唔少朋友，次次去完太安樓掃街，食飽就打道回府。既然一場來到，何不直落，順便踏足筲箕灣？
今次就以太安樓為起點，帶大家一路行到筲箕灣（其實路程真的不遠，大概行15分鐘便可到達。當然懶得行的你，亦可以選擇搭電車代步）。走過舊街，發現新店。你會發現，原來除了筲箕灣東大街，這一路上竟匯集了這麽多好味道！
來來小吃店繼紫薯手抓餅、抹茶味墨西哥薄餅，太安樓又有新美食！開業不久的來來小吃店，店面看似平平無奇，但卻有台灣傳統黑糖刨冰！刨冰即叫即製，口感軟綿的刨冰。再淋上黑糖及煉乳。配料又多，有仙草凍、布丁、粉圓、芋圓、仙草、寒天、紅豆、綠豆等任你揀。
心大心細的你，記得要選五種冰（即可以任揀五種配料，必點芋圓）。所有配料連刨冰，堆得有如一座小冰山，未食已覺透心涼。如果你愛吃水果，不妨可以試試芒果及西瓜牛奶冰。未出發，先消暑，準備來上一碗台灣刨冰，於大熱天時來個痛快！
正想過馬路之際，回頭一望，便發現了這間果汁店。珍之味有即製沙冰、五清汁、鮮搾果汁及椰王出售。太安樓内大多只賣台式飲品。下次在太安樓掃完街，可以買返杯夏枯草或薏米水清熱解渴。另有店主秘製的花菇碗仔翅、咖哩豬皮蘿蔔魚蛋。
椰王$20一個，買一個邊走邊飲，正！
繼續行，一路會經過不少舊式餐廳及餅店。走到潤民商業中心，有這間韓食新店。走進店內，收銀機就在當眼的位置。而多款韓式小食就放在旁邊。看完餐單，定價並不貴，韓式便當也只售$58。不想食得太飽，今次就點了一客餃子及一杯桃汁。大家可以選擇堂食或外賣。
坐在落地玻璃前，獨佔一人座位。木調的餐桌上，更放有一盆綠色盆栽，坐得頗為舒服。不過，要有定入鏡的心理準備。在短短十五分鐘內，已有唔少人走過來影餐單、影店面（小編真心怕上鏡，希望無影到我啦）。
好喇，講返食物。桃汁未飲，就已經聞到陣陣桃香，飲落甜度剛好，好想再飲多杯！韓式煎餃子一客有五件，咬下去囗感不肥膩，點上酸辣醬味道更惹味。
天悅廣場是筲箕灣的小型商場，曾經有不少食店埋沒其中。還記得當年有一間日式拉麵店，平得來又幾好食，可惜已經結業。有些味道再也找不回。
走進商場地庫，現時僅餘下幾間食店，嘉莉食品便是其中一間。先被$10四粒日式小丸子所吸引，然後再見到$3炭烤雞肉串。反正不求飽肚，只為過過口癮，於是便要了一串炭烤雞肉串。味道不算特別，但勝在價錢平。如果想行行商場的話，樓上還有夾糖店、撈麵加零食店及日本代購店等。
離開天悅廣場，由樓梯直落，你會看到這個小檔口——德記。德記可說是筲箕灣的老字號，位置就在樓梯街口，是真正的「街頭」零食店。
想找懷舊零食及涼果？可以來這裡碰碰運氣。德記有一袋又一袋的零食，小編小時候就最愛來德記買腰果餅。
內容標籤
免費登記成為U Lifestyle 會員
即時接收最新資訊並盡享獨家優惠！
最新文章
免費登記成為U Lifestyle 會員
即時接收最新資訊並盡享獨家優惠！
評語