正在閱讀
【觀塘好去處】$80玩盡觀塘一日 海濱日落/塗鴉牆/台式美食

【觀塘好去處】$80玩盡觀塘一日 海濱日落/塗鴉牆/台式美食

2018.08.03

觀塘工廈林立,除左有好多Party Room之外,其實仲有不少特別又好玩的好去處,例如本土手繪塗鴉牆、海濱公園、台式美食等等。今次就帶大家平遊觀塘,用大約$80就可以食盡加玩盡全日,大家不妨趁夏天假日約埋三五知己去觀塘遊玩啦!

第 1 站 觀塘工廈攝影好去處 3大手繪塗鴉牆打卡位

觀塘工廈後巷有不少塗鴉牆,大部分都係本土藝術家創作的作品,以下為大家介紹其中3大特色手繪塗鴉牆,行路經過既話不妨可以係度打卡影番張相留念!

1. 港式用語塗鴉牆

位於觀塘鴻圖道60號後巷有一面專屬香港人的塗鴉牆,牆身上遍佈幾十個廣東話用詞,如:媾女、老馮、揾食、娘娘等,大家可以同最適合自己的字詞來個合照呢!
地址:觀塘鴻圖道60號後巷

2. 太空氣球塗鴉牆

永興工業大廈後巷的太空氣球塗鴉牆,是本地藝術團體OMNI ART所創作,以童年玩意為創作靈感,可以企係牆邊扮吹泡泡,影出3D立體效果。

地址:觀塘永興工業大廈後巷

3. 大型3D飛行棋壁畫

如果你有經過觀塘郵政局,一定會見到這面橙色外牆,上面畫有巨型3D飛行棋,勾起不少80、90後的童年回憶,同樣是OMNI ART所創作的藝術作品,充滿本土特色。

地址:觀塘郵政局旁

第 2 站 阿元來了 招牌魯肉飯+芝士蛋餅

店內裝修主打懷舊復古路線,有多個影相打卡位,例如小食車、車站、雜貨店、電影院等,令人彷彿回到80年代的台灣,充滿舊台灣風味。

芝士蛋餅($29下午茶餐配飲品/$25單點)

店內的招牌之一,即叫即整,蛋餅內捲住半溶芝士,相當足料!吃起來有濃濃的芝士香,沾上醬汁味道更佳。

招牌魯肉飯($29單點)

顆顆半肥瘦肉配上魯肉汁伴飯,油香豐腴,十分惹味!

地址:觀塘鴻圖道28號地下後座

第 3 站 觀塘海濱公園 日落美景+3大影相位

食完野可以到海濱公園看海散步,這裡亦有不少影相位,例如四方亭、海濱長廊、觀景亭、花園草地等等,係消磨時間的好地方,而黃昏時分海濱長廊更可以欣賞到日落美景!

地址:海濱道80號

第 4 站 T4清茶達人 $23嘆招牌玫瑰清茶

海濱公園內有間台式飲品店,炎炎夏日最岩係度買番杯凍飲消暑,心水推介玫瑰清茶($23),裡面加上了天然的玫瑰花瓣,散發出陣陣的花香,入口十分清甜解渴。

地址:觀塘海濱道86號地下

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠