好多人都以為去西貢只可以食海鮮，沒有什麼其他特別地方，但其實西貢仍然有好多活動可以做。今次就帶大家先到西貢小店掃街，之後再搭小船遠離煩囂到魚排垂釣同去沙灘玩，假期同朋友仔或者家人一齊去玩吓都唔錯。
第 1 站 9吋半小食店 原隻軟殼蟹熱狗/原個鮮榨西瓜汁
第一站先帶大家去一間主打熱狗的小食店填飽個肚。小編心水推介是原隻軟殼蟹熱狗（$128），小食即叫即做，食落口時軟殼蟹的外殼依然脆卜卜超足料。大家仲可以試埋用原個西瓜裝的鮮榨西瓜汁($28），夏天飲消暑最啱！
店鋪資料：9吋半
地址：西貢福民路58號至72號高富樓37號地下
點擊圖片放大
第 2 站 滘西灣休閒垂釣樂園 享受釣魚樂趣
食飽之後就可以搭船到海中心的魚排釣魚。大家可以在魚排釣海中的魚，亦可以釣魚排內的養魚。魚排空間寬敞，唔使怕人迫人冇魚釣。魚排亦有更衣室同簡單的沖洗設施，等大家去完沙灘後可以進行沖洗。
店鋪資料：滘西灣休閒垂釣樂園（逢週三休息）
登船地點：西貢公眾碼頭
收費：入場費＄100（包來回船，小艇到古廟及沙灘）
點擊圖片放大
第 3 站 水清沙幼沙灘 享受陽光與海灘
魚排會有小船免費載大家到魚排附近的景點觀光。坐小船大概10分鐘就會去到這個人跡罕至的小沙灘，曬日光浴或是玩其他水上活動都得。
點擊圖片放大
第 4 站 閒逛洪聖古廟 了解中國文化
除了可以去海灘之外，魚排另外亦會安排小船到位於附近小島上的洪聖古廟參觀。行遠少少亦有一個小涼亭可以俾大家乘涼，看海邊風景。
注意事項：部分路段會經過民居，大家經過時記得留意聲浪唔好騷擾到居民呀～
點擊圖片放大
第 5 站 西貢咖啡餅店 厚切菠蘿油
在魚排釣完魚之後可以到在西貢碼頭附近的西貢咖啡餅店食番個厚切菠蘿油($16)醫吓肚。新鮮出爐的菠蘿油中間夾住一塊厚切凍牛油，外冷內熱而且外脆內軟，味道不錯。
店鋪資料：西貢咖啡餅店
地址：西貢海傍廣場2號金寶閣6-7號舖地下
點擊圖片放大
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
↓↓【💖美肌研究生】招募中！↓↓
分享女生好物相/影片， 贏00購物禮券!
↓【限時搶】大派UCC濃香黑咖啡！↓
↓ 純黑咖啡、冷萃黑咖啡！讓您感受馥郁濃香！↓
評語