正在閱讀
【尖沙咀好去處】尖沙咀覓食半日遊 珍奶千層蛋糕/軟殼蟹蛋漢堡

【尖沙咀好去處】尖沙咀覓食半日遊 珍奶千層蛋糕/軟殼蟹蛋漢堡

2018.11.03

好多人都覺得在尖沙咀食飯一定要食貴價食物,但其實尖沙咀亦有很多貼地價錢又合理的店舖。今次就帶大家去食4間特別得嚟價位又不太高的小食、甜品、正餐同茶飲店,一次過滿足4個願望!

第 1 站 Niji Bistro

第1站帶大家去食位於海港城港威商場的niji bistro 食多燒鰻魚配雜菌蛋包飯。蛋包飯上有1條厚鰻魚,蛋的質地軟綿綿,包住入面用燒洋蔥汁同雜菌炒成的鰻魚飯,非常滋味。

 

店舖資料:Niji Bistro

地址:尖沙咀廣東道3-27號海港城港威商場3樓3208號舖

 

第 2 站 White Button Cafe & Dessert

食完正餐緊係要去食甜品啦!今次就帶大家去食近排非常有人氣的千層蛋糕。cafe裝修以粉色秋為主,一入到門口仲有1大塊粉紅色霓虹燈牆俾大家可以食完甜品後影靚相。

店舖售有多款千層蛋糕,比較特別的有珍珠奶茶味千層蛋糕,珍珠煙韌,頗有咬口。嫌唔夠喉的可以試埋抹茶千層蛋糕,抹茶味濃,不過味道稍甜。

 

店鋪資料:White Button Cafe & Dessert

地址:尖沙咀亞士厘道23號雅士利中心12樓


 

第 3 站 Burger B

唔夠飽可以去食埋芝士軟殻蟹蛋漢堡,漢堡有原隻軟殻蟹,仲要淋上滿滿的芝士漿,非常惹味。店舖最近亦有新店開張優惠,買漢堡會自動升級收套餐,包薯條同飲品添!

店舖資料:Burger B

地址:尖沙咀華源大廈地下17號


 

第 4 站 善茶

最後可以去飲番杯茶飲作結。店舖裝修以香港舊式冰室為題,小小的店面裝修具舊香港特色。茶飲店主打以港式奶茶調製各種飲品,有珍珠奶茶、奶茶紅豆冰等等。杯子亦都印有港式茶餐廳的圖案,非常有心思。

店舖:善茶

地址:尖沙咀白蘭軒道A舖


 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠