正在閱讀
【郊遊好去處】香港5大靚景郊遊地點推介 唔使行山都睇到靚風景!

【郊遊好去處】香港5大靚景郊遊地點推介 唔使行山都睇到靚風景!

2018.12.01

天氣最近漸漸轉涼,趁住天氣未正式轉冷,好多人都會捉緊秋天的尾巴在週末期間同朋友郊遊。嫌行山體力勞動太辛苦但又想親親大自然?今次就為大家介紹幾個比較輕鬆到達的郊遊地點,最適合一班不喜歡行到身水身汗但又想到大自然放鬆吓的朋友仔,一齊睇下香港有適合懶人的郊遊地方!

第 1 站 中環山頂公園

中環山頂公園有香港後花園之稱,前身是港督的山頂別墅,而且公園內的建築是帶有歐陸風格,大家仲可以仲可以在花園的大草地上野餐添。

前往方法:中環交易廣場巴士站,乘搭15號巴士/港鐵香港站公共運輸交匯處搭1號綠色小巴,約25分鐘;再沿山頂廣場旁邊的柯士甸山道往上走,約20分鐘

圖片來源:hk-victoria-peak

 

第 2 站 塔門

塔門是個位處西貢以北的離島,大家可以在塔門海傍街吹著海風,看看大海上的漁艇和漁排,感受漁村風情,之後再可以去山頂觀海亭同大草坪,同朋友野餐、放風爭等等,有時仲有機會會有牛牛加入同大家「一齊玩」。不想野餐的朋友或者可以選擇到山坡上的觀海亭欣賞島上風景都得!

前往方法:從港鐵大學站B出口搭乘計程車至馬料水碼頭,再轉乘街渡,船程約1.5小時

從西貢市中心搭乘94號巴士至黃石碼頭,再轉乘街渡,船程約35分鐘。

圖片來源:香港旅遊發展局


 

第 3 站 橋咀洲

大家可以由西貢馬頭搭船到橋咀洲,島上有一個個外貌似菠蘿包的岩石,受風化侵蝕影響,所以在表面上出現奇特裂紋,大家去到島上可以搵得意菠蘿包影相。另外,如遇到潮退,海中仲會出現一條石頭長廊可以俾大家去相鄰的橋頭島「探險」

前往方法:

  • 從港鐵鑽石山站C2出口搭乘92號巴士至西貢市中心或者
  • 從沙田新城市廣場巴士總站搭乘299X號巴士至西貢市中心
  • 在西貢市中心的西貢公眾碼頭搭乘街渡前往廈門灣,船程約15分鐘。

圖片來源:香港旅遊發展局

第 4 站 鯉魚門三家村石礦場

鯉魚門三家村除了可以食海鮮之外,其實村內亦有一個荒廢石礦場,只要經過海鮮街再行一段路之後就會到達石灘,石灘廢墟感十足,大家可以去影下相。之後再沿住小路向前行就到達石礦場。礦場有一大片草地同石牆,環境幽靜,呢個時間去仲帶機會睇到芒草添!週末去影吓靚相、放鬆吓就最適合啦。

注意:去礦場的部分道路需要行石梯,大家要小心安全,而且有部分路段會經過民居,經過時記得盡量減低聲浪,避免為居民造成騷擾呀~

 

前往方法:油塘港鐵站A2出口步行15分鐘至鯉魚門避風塘碼頭(三家村)

 

第 5 站 西貢鹽田梓村

香港少數充滿天主教特色的客家村落,有近三百年歷史。想去的話可以由西貢碼頭搭船到鹽田梓碼頭下船,島上有多個富有歷史特色的景點,包括紅樹林、活泉井、同參觀以前用來製作鹽的曬鹽場。仲可以一嚐富客家特色的茶果添。

前往方法:由西貢碼頭乘街渡前往約10分鐘船程

圖片來源:鹽田梓


 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠