【尖沙咀美食】2018年尖沙咀8間新食店 燒肉放題/海鮮浜燒/和牛拉麵/芋圓

文: LorLor Lee
2018.12.09

上次同大家介紹過觀塘的新餐廳後,今次就到尖沙咀!這區有好多不同種類的餐廳,所以想約埋三五知己食飯都可能會選擇尖沙咀。今次小編搜羅了8間2018年新食店,有日本燒肉放題、台灣料理、茶飲店外,還有日本過江龍鰻魚店即將開幕。下次約朋友到尖沙咀試下這些新餐廳啦!

第 1 站 日本燒肉放題 任食和牛/鹿兒島黑豚肉

尖沙咀日本燒肉放題餐廳「本佐日本燒肉料理」新開張,人均$300有找就可以任食日本直送和牛、來自鹿兒島夢島的大地黑豚肉、櫻姬雞、馬來西亞6吋長虎蝦等,一大朋友聚會的新選擇!

本佐日本燒肉料理

地址: 尖沙咀赫德道4號The Hart 3樓

價錢:星期一至四 $278/位(全日收費)星期五至日及公眾假期前夕 $298/位(全日收費)*可+$30任飲汽水、啤酒及指定清酒
營業時間:星期一至四下午12時至凌晨12時;星期五至日下午12時至凌晨1時
電話:2887 1028

即睇全文介紹

第 2 站 日式居酒屋 直送刺身/海鮮浜燒

另一間新開日本菜「南瀛水產」,環境裝潢彷如日式居酒屋,好有氣氛。有由日本直送的食材、刺身等,仲有得食燒活海鮮!鍾意食日本菜及海鮮的朋友,記得mark實地址去試下啦~

南瀛水產

地址: 尖沙咀金馬倫道5號太興廣場5樓

營業時間:星期一至日下午12時至3時;晚上6時至凌晨12時
電話:2368 8028

即睇全文介紹

第 3 站 日本過江龍 名代宇奈饅魚飯

這間件日本連鎖品牌「名代宇奈」於12月11日在尖沙咀的首間海外店即將開幕,主打平民價錢的鰻魚料理,鰻魚迷千萬別錯過啦!

名代宇奈

地址: 尖沙咀iSQUARE國際廣場3樓4號舖 

營業時間:星期一至五下午12時至晚上11時;星期六、日及公眾假期上午11時半至晚上11時
電話:3580 1550

即睇全文介紹

第 4 站 蜜庵本膳 日式米粉班戟/素食甘酒豆乳雪糕

平時梳乎厘班戟就聽得多啦,米粉班戟又食過未呢。尖沙咀新開日式和食店「蜜庵本膳」,推出以米粉代替麵粉製作的日式米粉班戟,仲會配上當季時令水果。除此之外,還有多款日式定食選擇,而最特別的是還有供應素食都食得的甘酒豆乳雪糕~

蜜庵本膳

地址: 尖沙咀赫德道8號地下A號舖

營業時間:星期一至日下午12時至晚上10時
電話:2461 0888

即睇全文介紹

第 5 站 和牛刺身拉麵 日本直送入口即溶頂級「和王」

說起日式料理的話,必定都想食日本正宗拉麵!這間新開「一盛極牛」日本拉麵店,由日本人主理。平時較多食到豬骨湯拉麵,但依間店舖反而只賣三款日本熊本直送和牛拉麵,包括和牛刺身拉麵、火炙和牛拉麵、和牛拌麵。每塊和牛的牛脂分佈平均,入口即溶,好滿足!

一盛極牛

地址: 尖沙咀金巴利道65-67B號太平洋大廈地下A號舖 

營業時間:星期一至日晚上6時至凌晨2時

即睇全文介紹

第 6 站 「忠孝東路」 自家製扯麵/麻糬窩夫/芋圓/紫芋沙冰

除了日式料理外,尖沙咀還新開了不少台灣料理餐廳,其中「忠孝東路」有多款台灣風味菜式,包括牛肉麵、魯肉飯、滷水拼盤等。甜品方面仲可以食到芋圓、麻糬窩夫。就連大熱的各款台式茶飲都有!

忠孝東路

地址: 尖沙咀彌敦道63號國際廣場3樓306號舖

營業時間:星期一至日上午11時半至晚上10時

即睇全文介紹

第 7 站 台灣翰林茶館 黑白熊貓珍珠奶茶/炭燒鐵觀音茶麵

又一間台灣過江龍!翰林茶館香港分店在尖沙咀新開張,是「珍珠奶茶始祖」之一,還自家研發出黑糖珍珠,混合白色粉圓加入奶茶之中,成為招牌黑白熊貓珍珠奶茶,在台灣好受歡迎,而家香港都試到啦!

翰林茶館

地址: 尖沙咀廣東道3-27號海港城港威商場2樓2602號舖 
營業時間:星期一至日上午8時半至晚上10時

即睇全文介紹

第 8 站 水墨風茶飲 麻糬抹茶鮮奶/紫薯鐵觀音奶蓋

成日飲黑糖珍珠奶茶的朋友,不妨試下新派台式茶飲!最近尖沙咀新開張的「茶墨」,推出一系列加入日式和風特色的新派飲品。飲品用上水墨筆刷的效果點綴杯身,造型精緻。其中,除了有平時見到的黑糖珍珠,還可以選擇加入煙韌的麻糬。店舖採用由日本和台灣入口的茶葉和食材,愛品茶的朋友可以試一試!

茶墨

地址: 尖沙咀彌敦道100號The ONE 4樓L411號舖
營業時間:星期一至日上午11時至晚上10時

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓