全港6大榴槤小食店推介　歎米芝蓮推介/貓山王芝士撻/榴槤奶蓋/流心炸彈

這間位於尖沙咀的新開榴槤主題專門店「榴槤樂園」，首次入選米芝蓮2019。店鋪樓高2層，以café營業模式俾顧客們慢慢細味榴槤。店內出售由馬來西亞直送的三種榴槤包括D24、XO及貓山王，均是自家果園種植，保證在香港一年四季都可以歎到榴槤！除了有原個榴槤出售外，仲有推出榴槤芝士撻、貓山王奶蓋等甜品及飲品，滿足一班榴槤粉絲～

榴槤樂園

地址：尖沙咀金巴利道92號地下

營業時間：星期一至日下午2時至8時

這間亦在尖沙咀的新開榴槤主題的小食店「么么Da」，店舖食材採用來自馬來西亞的貓山王榴槤，所以每款小食的榴槤味好濃郁！其中仲有整個貓山王榴槤芝士Pizza，鋪滿榴槤肉與芝士，熱辣辣出爐有拉絲效果，榴槤味好濃郁！仲有其他榴槤小食，包括榴槤炸彈、榴槤雞蛋仔、貓山王特飲等，榴槤小食款式夠晒多選擇。

么么Da

地址：尖沙咀堪富利士道8F號地鋪

營業時間：星期一至日下午12時至晚上10時半

韓國過江龍雪糕店「百味堂」最近聯乘DurianBB推出馬來西亞榴槤牛奶雪糕，淋上用「老樹貓山王」製成的榴槤汁，還配上兩顆「D13金包」榴槤肉，真材實料。另外，還有推出新鮮馬來西亞榴槤奶昔，口感香滑，散發淡淡榴槤香。榴槤甜品迷經過可以試試！

百味堂

地址：尖沙咀河內道18號K11購物藝術館B1樓B101A號舖/尖沙咀廣東道3-27號海港城海運大廈二樓OT264號舖/金鐘金鐘道88號太古廣場L2樓200E號舖

營業時間：星期一至日上午11時半至晚上9時半

鐘意食榴槤的朋友有機會已經聽過榴槤BB這個品牌，而他們於觀塘設立榴槤BB Cafe，提供即叫即製各種榴槤特飲，還特別介紹「一舊榴槤跌落奶」 (榴槤奶昔)、榴槤珍珠奶茶、榴槤芝士雲頂茶等等，加入了好多榴槤果蓉，每款特飲都陣陣榴槤香！

榴槤BB Cafe

地址：觀塘敬業街 65-67 號敬運工業大廈2B

營業時間：星期一至日下午12時至晚上7時（星期二休息）

元朗這間港式珍珠奶茶店「摩登士丹里」，除了近期熱爆的黑糖奶茶外，還有推出榴槤皇豆花芋圓，附有一大球榴槤蓉，味道極濃郁，配上煙韌的芋圓、蕃薯圓，經過元朗的話值得一試！

摩登士丹里

地址：元朗青山公路元朗段22-26號金源大廈地下1號舖/屯門龍門路43號龍門居地下7號舖

營業時間：星期一至四、日下午3時至凌晨12時；星期五至六下午3時至凌晨12時半（屯門分店）

星期一至四、日下午12時至晚上11時；星期五至六下午3時至晚上11時半（元朗分店）

「恒發雞蛋仔」的店主每天都會購買新鮮金枕頭及貓山王，逐粒拆下榴槤果肉，整成果蓉做餡，真材實料！新鮮榴槤夾心雞蛋仔及貓山王雞蛋仔，粒粒雞蛋仔都食到榴槤果蓉，榴槤味濃郁！

恒發雞蛋仔

地址：觀塘協和街177號/九龍城衙前圍道64號曉逸軒地下1號舖/鰂魚涌芬尼街2A號

營業時間：10am - 11pm（觀塘分店）/11am - 11pm（九龍城分店）/11am - 9pm（鰂魚涌分店）