40款Living Plaza $12店香港熱賣人氣商品！卡通精品/廚具/化妝品/收納小物

$12店除了有充電線、耳機、螢幕保護貼之外，部分比較大間的分店仲有LED枱燈，細細個好用又方便。

相信女仔對$12店的化妝品都唔陌生，除了人氣的「洗掃水」、「化妝品清潔水」等等，其實$12店的眼影、日本製Hand Cream、底妝產品係日本都好受歡迎，早前香港更引入了ER White美白系列，有齊美白乳液、美白化妝水、美白精華，好抵用！

Living Plaza by AEON仲有唔少日本卡通文具精品，包括迪士尼及Sarnio的文具、餐具，啱晒一班打工仔同學生！

日本收納技術一向非常出名，亦有推出唔少不同大細的收納工具，如果想平平地買返啲執屋用，$12店是一個唔錯的選擇！

有整嘢食的朋友相信都有用過$12店的DIY廚房工具，有齊壽司模具、海苔壓模器、飯團盒、蛋料理處理器等，非常齊全，想自製壽司、飯團都冇難度！

最後當然唔少得日本零食啦，部分零食$12就有2-3件，零食迷入貨一流～