全港8大三月市集推介！紡織/春日/花見/野外主題都有

今次白紙市集於荃灣南豐紗廠The Mills舉行，與本地多個插畫單位合作，帶來多個本地原創品牌手作攤檔，仲有市集限定手作工作坊，包括水晶球果凍蠟燭、星球玻璃碟彩繪及手縫扭紋髮帶工作坊等。現場仲有花火音樂會，多個原創音樂單位會即場表演。

日期時間：3月9至10日 12nn-7:30pm

地點： 荃灣白田壩街45號 南豐紗廠 THE PARK / THE ANNEX

來源：FB@White Market

3月份的SOHO MARKET市集，將於中環「大館」對面的藝術畫廊SOHO YARD舉行，集合多個本地原創首飾品、設計工藝、花藝擺設及中古時尚服飾品牌外，仲有健康飲食和中西甜點，到時可以行完市集去埋大館玩！

日期時間：3月9至10日 12nn-7pm

地點：中環奧卑利街19號地下  SOHO YARD Gallery and Events Space

來源：FB@SOHO Market

三月的G.O. Market本土市集，將於灣仔舉行，市集有不少本土品牌，包括天然護膚品、日用品、特色手工藝品等，到時仲有工作坊及攤位遊戲，可以帶埋小朋友一齊去玩，過返個開心周末。

日期時間：3月2日至3日 12nn-6:30pm

地點：灣仔茂蘿街七號

來源：FB@Greennomarket

今次LOCOLOCO就與將軍澳尚德廣場合作，帶來周末市集，有不少本地手作品牌參與，可以搵到特色飾物、擺設及日用品等，有興趣記得mark實日期及時間去行下啦!

日期時間：3月2日－3日／3月16日－17日 12nn-8pm

地點：將軍澳唐明街2號尚德廣場地下中庭

來源：FB@LocoLoco

今次Colon Pro市集於D2 Place一期The Space舉行，特別以《花 :樂園》為主題，有多款環繞住「花」為主題的飾物、手繪作品及刺繡等，愛花之人不可錯過！入場仲可以到主辦櫃位免費領取軟糖一包，數量有限，派完即止。

日期時間：3月2日－3日12nn-8pm

地點：九龍荔枝角長義街9號 D2 Place One (一期) 2樓 The Space

來源：FB@Colon Pro

市集靈感源於東京花見小路市集，所以今次特別配合季節，以櫻花、春及和風日系作主題，有多個本地手作人及自家品牌參與，可以搵到多款手作及特色精品，市集仲有包裝食品及小食，可以一邊行一邊醫肚！

日期時間：3月15日1pm-8pm／16-17日1pm-6pm

地點：觀塘開源道54號豐利中心509室 THE BASE

來源：FB@Luluology Market

荷里活廣場今個3月，帶來1連6日的春日浪漫花市集，有16個單位參與，可以搵到以保鮮花為主的賀卡品牌、玻璃座枱手造保鮮玫瑰花座、樽裝草本瓶及盒裝手造保鮮花等精品，有興趣記得去玩！

日期時間：3月11日至3月16日 12nn-9pm

地點：荷里活廣場一樓明星廣場

今次鬆鬆Soul戶外市集，將於錦上路西鐵站附近舉行，充滿野外感覺1！市集有50多個檔主參與，帶來多款手工精品、水晶飾物及古著Vintage 外，仲有更有工作坊、音樂表演、營火晚會等等，可以帶同寵物一齊去玩！

日期時間：3月9日12nn-9pm／3月10日 12nn-5pm

地點：Lohas Farm 綠活城鄉 @錦上路站C出口

來源：FB@Biugor Biumui 表