【燒烤場推介】香港10大靚景抵食BBQ場推介 $110起BBQ海鮮套餐/任食過50款食物

文: Toby Mok
2019.11.30

秋天又到,香港人最常做的秋天活動當然是BBQ燒烤啦!除了可以自己醃食物到政府的公共BBQ燒烤場之外,去準備好所有燒烤食品的懶人燒烤場亦是港人近年BBQ活動之選。今次就為大家推介香港10大BBQ燒烤場,大部分燒烤場為BBQ放題,只要俾指定金額則可以任飲任食多款美食。部分燒烤場更推出海鮮套餐,可以歎齊鮑魚、蝦、扇貝、蟹等海鮮!怕太熱的朋友更可以選擇設有Party房的燒烤場,一邊唱K打麻雀一邊歎住冷氣食BBQ美食!即睇香港10大BBQ燒烤場推介!

第 1 站 西貢海灣會燒烤會所

西貢海灣會燒烤會所(Beach BBQ King)全場2.5萬呎,燒烤場以純白玻璃屋設計,對著無敵海景,場地夠大,環境舒服。收費方面,最平可以$188無限時BBQ任飲任食,還可加錢點新鮮海鮮拼盤,都算幾抵食,按下圖睇價錢及美食詳情。<詳情>

收費

星期一至四:成人$188;小童$94

星期五:成人$198;小童$99

星期六、日:成人$218;小童$109

地址:西貢大網仔路沙下村9號地下

電話:27920683

 

第 2 站 大欖涌燒烤樂園

大欖涌燒烤樂園有超過40米長的流水蝦河道,大家可以即夾即燒新鮮流水蝦,樂園以備長炭火烤熟新鮮大蝦,鮮甜多膏!大家仲可以任食過40款大欖串燒美食,飲品無限任飲。除此之外,仲可以歎傳統BBQ或串燒,大家可以任食過50款美食,包括雞中翼、金沙骨、芝士腸丸類、肉類等等,按下圖睇價錢詳情。<詳情

地址:新界屯門大欖涌村385地段 

電話:2613 1811

資料及圖片來源:大欖涌燒烤樂園

 

第 3 站 白石BBQ燒烤場

白石BBQ燒烤場位於馬鞍山烏溪沙,飽覽吐露港、八仙嶺及船灣淡水湖大壩的壯麗景色,碧海藍天,可以一邊燒野食一邊欣賞風景。場地設有可容納過千人佔地過萬呎的大型露天場地。BBQ燒烤場仲有海景獨立BBQ屋,最適合一大班想有私人空間的朋友去玩。燒烤場有時亦會舉辦一些大型活動俾來燒烤的客人參與,按下圖睇價錢及BBQ場環境。<詳情

電話:2744 8188

地址:新界馬鞍山白石1950號

資料及圖片來源:FB@白石燒烤 Whitehead Barbecue


 

第 4 站 西貢YHA白普理堂赤徑青年旅舍

位於大嶼山的青年旅舍除了可以提供燒烤包俾大家BBQ之外,大家更可以在露營區體驗懶人露營,入住浪漫十足的圓帳營。每個圓帳營設備非常齊全,有枕頭、床鋪、小型貯物箱、電風扇等等,讓大家不用準備就可以去露營,夠晒方便!喜歡行山的朋友更可以在BBQ後沿著麥理浩徑,登上全西貢最高的蚺蛇尖,俯瞰大浪灣、塔門一帶美景。<詳情

地址:新界西貢赤徑

電話:2788 1638 

資料及圖片來源:西貢YHA白普理堂赤徑青年旅舍

第 5 站 龍鼓灘海邊燒烤樂園

屯門龍鼓灘海邊燒烤樂園處於海邊,大家可以一邊燒烤一邊欣賞無敵大海景,夠晒寫意!除了可以用燒烤爐BBQ之外,場內更提供Party房同冷氣花車,大家可以一邊食嘢一邊歎住冷氣打switch及自動麻雀!燒烤場暫未更新12月收費價錢,大家可按下圖睇11月價錢作為參考。<詳情

地址:屯門龍鼓灘村 136 地段

電話:2613 8129

資料及圖片來源:龍鼓灘海邊燒烤樂園

第 6 站 秘密花園燒烤場

位於西貢的秘密花園燒烤場環境優美,更有吊燈及燈飾佈置,情調十足。燒烤場除了有經典任食燒烤套餐之外,仲有極品海鮮燒烤及海鮮燒烤套餐可以選擇。大家可以食到即日新鮮採購的海鮮,包括扇貝、大鮑魚、蟹、大蝦等等,按下圖睇價錢及有咩食。<詳情

地址:西貢蠔涌路成豐片場

電話:5290 0515 /9860 5986 /2243 0303

資料及圖片來源:秘密花園燒烤場

第 7 站 隱世山莊

位於元朗市內的隱世山莊提供多間party房,大家可以一邊在party房內歎住冷氣唱K、打麻雀 一邊在房外bbq邊開派對。除了燒烤外,場地仲會提供火鍋同特色盆菜添,按下圖睇有咩食及收費詳情。<詳情

地址:元朗鳳麒路大旗嶺村148號

電話:61311901

資料及圖片來源:隱世山莊

 

第 8 站 大美督嘉年華燒烤

大美督嘉年華燒烤位於大埔汀角路,佔地40萬呎,適合同一大班朋友去玩集體遊戲,園內亦設有機農場,在bbq的同時,大家亦可以親親大自然。現場仲有3款燒烤區:包括傳統港式燒烤區、重慶串串燒烤區、野外韓風燒烤區。大家可以按自己的需要選擇不同燒烤區,按下圖睇詳細收費。<詳情

地址:大埔汀角路17-29地段

電話:9802 6611

圖片及資料來源:大美督嘉年華燒烤

第 9 站 吉吉燒

吉吉燒位於美孚市區,不用走入新界都可以輕鬆燒烤。場內除了有基本腸丸類外,還有不同口味的醃制食物,如澳洲羊架、牛仔粒、牛扒等,更有自制泰式醬汁及燒汁及其他醬汁可供調味,按下圖睇有咩食。<詳情>

電話:92550678/93053677

收費

星期一至四$158

星期五$178

星期六$188

星期日$178

地址:九華徑新村牌坊直入(即茘欣苑對面)

資料及圖片來源:FB@九華徑吉吉燒-美孚


 

第 10 站 大尾篤麥師傅

位於大埔的大尾篤麥師傅有多款美食可以選擇,包括雞翼、腸仔、肉類、丸類等等。而燒烤場老闆麥師傅亦會不時在場教導顧客燒烤技巧,確保各位可以食到肉嫩惹味的美食,按下圖睇價錢詳情。<詳情

地址:大埔汀角路地段17

電話:98830185

圖片及資料來源:大尾篤麥師傅

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓