【倒數好去處2019】宵夜好去處!香港6大美食街宵夜掃街推介 元朗/長沙灣/粉嶺

2019.12.23

過完聖誕節就到除夕的日子,好多人都會約埋三五知己去倒數歡送2019年迎接2020年!等倒數期間或者除夕倒數後怕肚餓冇嘢食?今次就為大家推介香港6大掃街美食街,部分美食街的營業時間更至到凌晨,大家隨時可以去食宵夜!美食街遍佈各區,包括元朗、粉嶺、藍田、屯門、長沙灣、青衣,即睇2019年除夕倒數宵夜好去處攻略!

第 1 站 粉嶺Fresh Town華明市場

粉嶺華明邨街市早前重建,現以Fresh Town華明市場的面貌全新開幕。市場以中國傳統的四合院為設計主題,充滿古色風味。除了平常大家買餸的檔鋪外,更設有過10間食店的小食街,包括港式街頭小吃、泰式船湯河、港式車仔麵、廿年粉麵老店、台式飲品等。小食店更營業至凌晨 1 時,為粉嶺的街坊帶來宵夜好去處,有興趣的朋友要留意啦!

地址:新界粉嶺華明路21號華明市場

第 2 站 屯門Go Go Mall

位於大西北的屯門不要以為只有牛牛,其實屯門地大物博,當中都有不少特色美食值得品嚐呢!位於屯門新墟的雅都商場進行了大翻身後,改造成全新Go Go Mall,成為了屯門美食新地標,現時已有超過20間掃街小食店進駐,商場鄰近屯門西鐵站,交通十分方便,馬上看看有甚麼推介小食啦!

地址:屯門鄉事會路112-140號

營業時間:星期一至四11:00-23:00;星期五至日 11:00-01:00

第 3 站 青衣長發邨美食街

位於長發邨的美食街2017年結業後,不少街坊大感可惜。今年美食街終於回歸,有多款街頭小食、甜品等,部分更會營業至凌晨,大家又多個宵夜好去處啦!而商場經翻新後亦有多達20間食店進駐,集齊中日韓泰美食,即刻睇吓有咩推介啦~

地址:新界青衣擔桿山路6號長發廣場

第 4 站 藍田啟田市場

位於藍田的啟田市場以全新面貌開幕,啟田美食街以英倫風為設計主題,外圍設有小食街,食品種類包羅萬有,而且大部份小食店會營業至凌晨2點,各位夜歸的朋友又多一個宵夜選擇啦!

地址:九龍觀塘藍田啟田道 50 號啟田商場地下

營業時間:麗港滷鵝 9:00-19:30;瀟洒一族 9:00-19:30;台灣人 7:00-02:00;燒賣王子 7:00-02:00;皇后餃子 7:00m-02:00;真味皇 7:00-02:00;豆腐時代 7:00-02:00;包點先生 9:00-02:00;清玉 9:00-02:00

第 5 站 元朗蠔滋味美食坊

元朗近朗屏西鐵站的「蠔滋味美食坊」內裡集齊了幾間食店,仿如迷你美食街!而且營業時間由下午到凌晨3點,夜鬼想食宵夜又有多個選擇!「蠔滋味美食坊」外表跟一般餐廳無分別,原來內有乾坤,一次可以食勻不同種類的美食,包括熱炒、炸物、滷味,到粉麵包類都有,即睇有咩食。

地址:元朗大陂頭徑福星樓地下6號鋪 

營業時間:約16:00-03:00(各攤檔營業時間不一)

第 6 站 長沙灣麗閣街市

長沙灣麗閣街市及商場經過翻新後,主打工業風格,以貨櫃及塗鴉為主題,四處都有打卡位!此外,麗閣街市化身美食街,有港式街頭小吃、刺身丼、甜品芋圓及即磨腸粉等小食,熟食中心營業至11時,街坊又多個掃街及宵夜好去處!

地址:長沙灣東京街12號

營業時間:7:00 - 23:00

立刻訂閱Telegram優惠頻道:

《UU熊 Home Chat》新登場!

↓↓Chat一Chat 即攞Stay Home Tips!↓↓

Chat一Chat 即攞Stay Home Tips!

U Lifestyle App《TV》專區隆重登場!

↓↓試玩、試食、試用影片任您睇↓↓

U Lifestyle App《TV》專區隆重登場!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用