正在閱讀
【旺角美食】旺角8大人氣火鍋店推介 任食打邊爐配料/牛肉放題/麻辣湯底

【旺角美食】旺角8大人氣火鍋店推介 任食打邊爐配料/牛肉放題/麻辣湯底

2020.01.15

最近天氣變冷,好多人都會選擇食火鍋暖暖身。旺角美食眾多,但到底旺角邊間火鍋店值得試或者比較抵食?今次就為大家推薦香港旺角8大特色火鍋餐廳,火鍋店的種類繁多,包括牛大人、獨‧火鍋撚、川婆婆、美滋鍋等,等大家可以嘗試不同口味的打邊爐,即睇2020年旺角火鍋美食推介,約埋三五知己去打邊爐!

第 1 站 牛大人台灣火鍋吃到飽 Master Beef

「牛大人台灣火鍋吃到飽 Master Beef」主打台式火鍋放題,有多種台式口味湯底可選,包括麻辣鴨血、酸菜白肉鴛鴦鍋、滋補薑母鴨鍋、濃香蕃茄鍋等。除咗肉類無限量供應以外,仲有多款由台灣直送的火鍋配料,例如台灣手工水餃、澎湖花枝漿、台灣直送鯛魚片等。另外有多款台灣地道小食,例如士林鹽酥雞、台灣滷肉飯、梅甘酥脆薯等。天氣開始轉涼,又係時候約埋一大班朋友去打邊爐啦!按下圖睇餐牌及有咩食 。<按此睇詳情

地址:旺角彌敦道620-628號瓊華中心9樓全層

第 2 站 獨‧火鍋撚

一人火鍋專門店「獨‧火鍋撚」,主要提供3款火鍋套餐,價錢相宜便能歎到足料秘制湯底、安格斯肥牛、海鮮、手工餃。另外亦推介兩款特飲,腐竹雞蛋沙冰、冬瓜檸檬沙冰,清甜解渴,即睇詳細餐牌。<按此睇詳情

地址:旺角白布街染布房街交界藝興大廈地下14號舖

第 3 站 天下糧倉牛肉火鍋專門店

「天下糧倉牛肉火鍋專門店」,提供兩小時任飲任食牛肉火鍋放題,提供多種特色火鍋湯底,包括潮汕牛骨湯、重慶翡翠綠紅麻辣等,亦設有鴛鴦鍋。當中可以任食澳洲M5和牛肩小排、手切封門柳、安格斯牛肩胛、Prime牛板腱、肥牛、黑毛豬等等,汽水飲品仲任飲添!即睇價錢及有咩食。<按此睇詳情

地址:旺角西洋菜南街1A-1K號百寶利商業中心5樓501-506號舖

電話:26239688/56291314

營業時間:星期一至日下午5時半至凌晨2時

第 4 站 川婆婆

「川婆婆」是間人氣麻辣川菜店,店舖佔地超過4600呎,裝修風格清新以粉紅藍為主,亦成為新一個網紅必到打卡熱點。火鍋店打破一般傳統火鍋店概念,除了有麻辣火鍋同花甲菌皇火鍋外,仲推出磯燒海鮮、酸菜魚、麻辣小龍蝦等人氣川菜菜式,可以一次過滿足多個願望。<按此睇詳情

地址:旺角家樂坊8樓

第 5 站 美滋鍋

新加玻美顏火鍋店美滋鍋以粉紅色貫徹裝潢主題,由門口到內裏處處都是打卡位。餐廳提供調味料自助bar,配料選擇繁多,客人可根據個人喜好調製醬料。養顏美容鍋是餐廳主打,滋補養生香辣鍋(豬骨湯)和膠原蛋白養顏美容鍋都是餐廳招牌,湯底可直接飲用。餐廳亦提供了手切牛小排、西班牙黑豚五花肉等,肥美肉質可為湯底提鮮。其他火鍋配料有魚三角、新鮮肥鵝湯、台灣新鮮鴨血、牛骨髓、炸響鈴、韭菜豬肉餃、芝士墨魚丸、新加坡黃金魚皮及鴨血,另外仲有原條鱆紅活魚刺身、活醉海花蝦、蟹子蝦滑添,按下圖睇有咩食。<按此睇詳情

地址: 旺角登打士街56號家樂坊8樓803

電話:31628238

營業時間:星期一至日中午12時至凌晨3時(最後下單時間:凌晨2時)

第 6 站 堅韓牛

「堅韓牛」推出全新燒烤x火鍋雙放題,享用頂級1++韓牛外,更炮製更多特色韓牛美食,包括「雪濃湯」及坊間少見的「韓牛丸」及「韓牛漢堡」。食肉獸必試!火鍋方面,有三款湯底選擇,包括雪濃湯、泡菜湯及辛辣湯。有火鍋專屬兩款1++韓牛,比燒烤款切得較薄身。除牛肉外,都有多款海鮮配料選擇,放題同時供應韓式熱食及小食,包括石鍋飯、紫菜飯卷、炒年糕等。

地址:旺角彌敦道726號16樓

電話:2111 0753

第 7 站 一鍋瘋粥底火鍋專門店

這間主打粥底火鍋的餐廳,還有各種自創特色湯底味道選擇,包括椰子粥水、甘荀粥水、紫薯泥煲、粟米粥水湯底,場內仲有各種新鮮海鮮選擇,也是一個不錯的另類選擇呢!

地址:旺角通菜街1號威達商業大廈地下N舖

營業時間:星期一至日 17:00 - 01:00

電話:27772030/62761928

資料及圖片來源:一鍋瘋粥底火鍋專門店

第 8 站 快樂小羊火鍋餐廳

「快樂小羊火鍋餐廳」標榜原汁原味品嚐羊肉。材料來自蒙古自家牧場的走地羊肉,經自家工場切割加工後直送香港,新鮮羊肉味道香濃不羶。招牌羊羊大拼盤($228),可一次過品嚐三種不同的羊肉部位,包括草原臻選大片羊、千層肋腹以及塔拉上的快樂卷。除了原片羊肉,還有店家研發的黑松露羊肉丸($78),由黑松露醬、孜然粉和羊肉合成,調味豐富且有層次。除了火鍋,仲食到蒙式炙烤,一嚐另一種種特色蒙古菜餚。蒙式羊棒骨($68/根),啖啖嫩滑羊肉,散發濃郁肉香。

地址: 旺角豉油街60-104B號鴻都大廈地下至2樓 

電話:23456898

活動資訊

↓【齊心抗疫!】口罩幾時返貨/ 疫情最新消息↓

下載U Lifestyle App 即時開啟推送通知功能!

【新登場!】全新U Lifestyle App

評語

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠